Pissaði á sig í mátunarklefa

Lífið á Vísi ræðir við stúlkurnar sem keppast um titilinn Ungfrú Ísland í ár og fær að kynnast þeim aðeins betur. Ungfrú Ísland verður í beinni útsendingu 14. ágúst á Vísi og Stöð 2 Vísi.

Fullt nafn?

María Lovísa Möller Sigurðardóttir

Aldur?

19 ára

Starf?

Ég starfa sem þjónn. Mér finnst það mjög félagslegt og skemmtilegt.

Hvað var það sem vakti áhuga þinn á keppninni?

Ég hef fylgst með keppnunum síðustu ár og finnst þetta alltaf svo flottar og efnilegar stelpur og langaði mig að prófa að taka þátt, sé ekki eftir því.

Hvað ert þú búin að læra í ferlinu?

Samvinnan stendur sennilega mest upp úr! 

Þó svo að þetta kallist keppni erum við allar samankomnar til að hjálpast að.

Hvaða tungumál talarðu?

Íslensku, smá ensku og gæti reddað mér á dönsku.

Hvað hefur mótað þig mest?

Foreldrar minir voru frekar ungir þegar þau áttu mig og eignuðust síðar tvö börn á eftir mér. Það kenndi mér ungri að bera ábyrgð og hjálpa til.

Erfiðasta lífsreynslan hingað til?

Amma og afi dóu þegar mamma var ung þannig ég kynntist þeim aldrei sem situr oft enþá í mér.

Hverju ertu stoltust af?

Ég er stoltust af eigin framförum á mörgum sviðum síðustu ár og að sjá vinnuna loksins skila sér. Það er ótrúlega góð tilfinning!

Besta heilræði sem þú hefur fengið?

Komdu fram við aðra eins og þú vilt láta koma fram við þig.

Hvað er uppáhalds maturinn þinn?

Snitzel með kartöflumús og brúnni sósu. Namm.

Hver er þín fyrirmynd í lífinu?

Mín allra helsta fyrirmynd er mamma mín, hún hefur gengið í gegnum ýmislegt á lífsleiðinni og hefur þannig kennt mér þolinmæði og styrk.

Hver er frægasta persóna sem þú hefur hitt?

Justin Bieber! Hitti hann að vísu aldrei nema hann var svona 15 metrum frá mér á tónleikum.

Neyðarlegasta atvik sem þú hefur lent í?

Hmmm.. þegar ég var um það bil þriggja ára var ég í verslun með mömmu og mátti ég ekki vera að því að hlaupa á salernið þannig ég meig bara í næsta mátunarklefa.

Hver er þinn helsti ótti?

Að missa einhvern nákominn mér.

Hvar sérðu þig í framtíðinni?

Að njóta lífsins með fjölskyldunni minni og ferðast um heiminn.

Hvaða lag tekur þú í karókí?

Baby með Justin Bieber.

Þín mesta gæfa í lífinu?

Að eiga heilbrigða fjölskyldu og búa sjálf við góða heilsu. Svo finnst mér ég mjög lánsöm að búa í landi þar sem konur eru með mikil réttindi og mér líður öruggri.

Uppskrift að drauma degi?

25. apríl, nei djók. Mín uppskrift að drauma degi væri að vakna úthvíld á sólríkum degi og skella mér á æfingu og fá mér eitthvað gott að borða. Síðan myndi ég vilja pakka í tösku, fylla á bílinn og skella mér í dagsferð um landið í góðum félagsskap. Þá myndi ég vilja koma við í einhverri náttúrulaug eða skoða fallega fossa, njóta náttúrunnar og enda kvöldið á góðri máltíð, gítaraspili og sólsetri.

Hér er hægt að kjósa í Ungfrú Ísland.