Hefur lifað tveimur lífum

Lífið á Vísi ræðir við stúlkurnar sem keppast um titilinn Ungfrú Ísland í ár og fær að kynnast þeim aðeins betur. Ungfrú Ísland verður í beinni útsendingu 14. ágúst á Vísi og Stöð 2 Vísi.

Fullt nafn?

Sunna Líf Guðmundsdóttir.

Aldur?

30 ára

Starf?

Starfa hjá Kviku banka.

Hvað var það sem vakti áhuga þinn á keppninni?

Þegar ég var yngri langaði mig alltaf að keppa en hafði aldrei sjálfstraustið í það, svo mörgum árum síðar fæ ég skemmtileg skilaboð þar sem að mér er boðið í viðtal til að taka þátt í Ungfrú Ísland. Ég hélt fyrst að þetta væri eitthvað djók, en svo var ekki. Ég var með smá efasemdir fyrst en ákvað svo að grípa þetta tækifæri og ég sé ekki eftir því.

Hvað ert þú búin að læra í ferlinu?

Ég hef svo gaman að öllu í kringum þetta. Hvaða stelpa elskar ekki að fá tækifæri til að dúlla sig upp og fara í hæla, og kynnast nýju og frábæru fólki í þessum bransa? Þetta er bara glam og gaman, love it.

It's still early days en ég hef lært að þetta er ekki all about beauty heldur hver þú ert sem manneskja og það er einmitt það sem skiptir raunverulega máli og hvernig við komum fram. 

Við konur og stelpur erum fyrirmyndir fyrir hvor aðra og því skiptir máli að sýna virðingu og kærleika, sem þessar stelpur gera svo sannarlega.

Hvaða tungumál talarðu?

Ég tala íslensku og ensku. Svo langar að læra pólsku og fínpússa spænskuna.

Hvað hefur mótað þig mest?

Það sem hefur mótað mig mest eru örugglega foreldrar mínir ásamt áföllum og erfiðri lífsreynslu. En ég hef í rauninni lifað tveimur lífum, ég lít allavegana á það þannig en það er saga sem ég segi kannski síðar.

Erfiðasta lífsreynslan hingað til?

Erfiðasta lífsreynslan mín er frekar persónuleg. Þegar ég lítil missti ég blóðföður minn, hann dó snögglega og hefur það markað líf mitt alla tíð. Ég eignaðist síðar yndislegan stjúpföðir sem hefur gengið mér í föðurstað sem ég er ótrúlega þakklát fyrir.

Hverju ertu stoltust af?

Ég er stolt af syni mínum sem er sífelt að koma mér á óvart og stendur sig svo vel. Svo er ég endalaust stolt af litlu systir minni sem er svo dugleg og klár í öllu sem hún gerir. Síðast en ekki síst er ég stolt af móður minni, hún er mín stoð og stytta í þessu lífi. 

Sterkari konu er ekki hægt að finna en í dag er hún að berjast fyrir lífi sínu og gerir það af svo miklu æðruleysi.

Besta heilræði sem þú hefur fengið?

Besta heilræði sem ég hef fengið er örugglega „komdu fram við aðra eins og þú vilt að komið sé fram við þig“ Þetta virkar alltaf alls staðar, no doubt.

Hvað er uppáhalds maturinn þinn?

Uppáhaldsmaturinn minn er by far nautasteikin sem stjúpi eldar. Þú færð ekki betri steik!

Hver er fyrirmynd þín í lífinu?

Ég á mér enga eina en ég dáist af duglegum konum, hvort sem það er dugnaður í starfi eða í heimilislífinu.

Hver er frægasta persóna sem þú hefur hitt?

Ég gleymi því ekki þegar ég sá Birgittu Haukdal í einhverri sjoppu þegar ég var krakki, ég varð starstruck og fraus. Þorði ekki einu sinni að segja hæ við hana!

Neyðarlegasta atvik sem þú hefur lent í?

Ég datt á hjóli um daginn, það var frekar vandræðalegt en það sá það enginn nema sonur minn sem fannst það nú frekar skrýtið. 

„Mamma detta en ekki ég!“

Hver er þinn helsti ótti?

Minn helsti ótti er að lenda í bílslysi eða að slanga eða könguló skríði upp löppina á mér.

Hvar sérðu þig í framtíðinni?

Ég er frekar ánægð þar sem ég er í dag en ég sé fyrir mér að vera komin með stærri íbúð fyrir mig og strákinn minn, vonandi á Höfuðborgarsvæðinu. Kannski með mann og hund, hver veit.

Hvaða lag tekur þú í karókí?

Ég myndi í fyrsta lagi aldrei gera neinum það að syngja í karókí en ef ég þarf að velja verður það að vera: Only girl in the world með Rihanna.

Þín mesta gæfa í lífinu?

Mín mesta gæfa í lífinu er að hafa fundið lykilinn að því að njóta þess sem er að vera bara í núinu, njóta tímans með fólkinu mínu, vera til staðar fyrir það og hætta að flýta mér.

Uppskrift að draumadegi?

Draumadagur væri örugglega að vakna á einhverju geðveiku hóteli, morgunmatur upp á herbergi, fara í langa sturtu, keyra Lamborghini á einhverja strönd, fara í nudd og eitthvað dekur og borða góðan mat.

Hér er hægt að kjósa í Ungfrú Ísland.