Körfubolti

Síðasta púslið hjá Kefl­víkingum fundið

Ingvi Þór Sæmundsson skrifar
Wendell Green yngri í leik með Auburn háskólanum í fyrra.
Wendell Green yngri í leik með Auburn háskólanum í fyrra. getty/Kevin C. Cox

Keflavík hefur fundið sér bandarískan leikmann fyrir átökin í Bónus deild karla í körfubolta á næsta tímabili.

Sá heitir Wendell Green yngri og er 21 árs leikstjórnandi frá Detroit. Green lék með Eastern Kentucky háskólanum 2020-21 og svo Auburn 2021-23.

Green spilaði með Cleveland Cavaliers í sumardeild NBA 2023. Á síðasta tímabili lék hann svo með Novi Pazar í Serbíu og með Indios í Dóminíska lýðveldinu.

Í fjórtán deildarleikjum með Novi Pazar var Green með 20,8 stig og 4,3 stoðsendingar að meðaltali.

Remy Martin lék með Keflavík á síðasta tímabili og var einn besti leikmaður Subway deildarinnar. Hann sleit hins vegar hásin í fyrsta leiknum í einvíginu gegn Grindavík í undanúrslitum.

Keflavík endaði í 3. sæti Subway deildarinnar og varð bikarmeistari í fyrsta sinn í tólf ár.

Subway-deild karla Keflavík ÍF

Mest lesið


Fleiri fréttir

Sjá meira


×

Mest lesið