Innlent

Gosið það stærsta til þessa síðan jarð­hræringar hófust

Elín Margrét Böðvarsdóttir skrifar
jarðhræringar á Reykjanesi eldgos Sundhnjúkagígur
jarðhræringar á Reykjanesi eldgos Sundhnjúkagígur

Eldgosið sem nú stendur yfir á Reykjanesi er það stærsta á Sunhnúksgígaröðinni frá því að jarðhræringar hófust á svæðinu í fyrrahaust. Landris mælist enn í Svartsengi og áfram gýs á svæðinu norðaustan við Stóra-Skógfell. Gasdreifingarspá gerir ráð fyrir að mengun frá eldgosinu auk gróðurelda verði meðal annars í Svartsengi, Reykjanesbæ og í Vogum.

Þetta kemur fram í tilkynningu á vef Veðurstofunnar nú síðdegis. Þar segir að flatarmál hraunbreiðunnar sé nú orðið um 15,1 ferkílómetri. Í upphafi eldgossins er áætlað að hraunflæði hafi verið um 1.500 til 2.000 rúmmetrar á sekúndu, en nú nemur hraunflæðið nokkrum tugum rúmmetra á sekúndu.

Allar mælingar benda þannig til þess að gosið sé það stærsta frá því haustið 2023. „Síðasta sólahring hefur virknin einangrað sig nokkuð á einu svæði norðarlega á gossprungunni sem opnaðist að kvöldi 22. ágúst. Hraunið flæðir nú að mestu til norðvesturs í tveimur megin straumum og hefur hægt verulega á framrás þess,” segir meðal annars í tilkynningunni.

Þá hefur hættumatskortið einnig verið uppfært.

Uppfært hættumatskortVeðurstofan

Nánari upplýsingar um gasmengun og gasmengunarspá ná málgast hér.

Eldgos og jarðhræringar Eldgos á Reykjanesskaga Reykjanesbær Grindavík

Mest lesið


Fleiri fréttir

Sjá meira


×

Mest lesið