Enska liðið missir þrjá öfluga menn fyrir leikinn á móti Heimi

Enska liðið mætir lærisveinum Heimis Hallgrímssonar í írska landsliðinu í Dublin 7. september næstkomandi en það er fyrsti leikur írska liðsins undir stjórn Eyjamannsins.

Enska landsliðið er þarna að missa þrjá öfluga sóknarmenn en allir þrír voru í hópi bestu leikmanna ensku úrvalsdeildarinnar á síðustu leiktíð.

Palmer og Watkins eru báðir að glíma við meiðsli og hafa farið til sinna félaga í endurhæfingu. Foden kom aldrei til móts við landsliðið vegna veikinda og nú er ljóst að hann verður ekkert með.

Lee Carsley hefur tekið tímabundið við enska landsliðinu eftir að Gareth Soutgate hætti með liðið eftir Evrópumótið.

Auk þess að spila útileikinn við Írland þá fær enska landsliðið einnig Finnland í heimsókn á Wembley þremur dögum síðar.