Han Kang hlýtur bók­mennta­verð­laun Nóbels

Í umsögn sænsku akademíunnar segir að Kang fjalli um áföll í sögulegu samhengi og óskrifaðar reglur.

„Á einstakan hátt er hún meðvituð um tenglsa líkama og sálar, þess sem er lifandi og liðið, en ljóðrænn og tilraunakenndur stíll hennar hefur borið með sér nýbreytni í samtímaprósa.“

Skáldsaga Kang Grænmetisætan, frá árinu 2007, var gefin út í íslenskri þýðingu Ingunnar Snædal árið 2017.

Han Kang var gestur Bókmenntahátíðar Reykjavíkur árið 2017. Magnús Guðmundsson tók viðtal við hana fyrir Fréttablaðið sem má lesa hér.