Með í maganum og stígur út fyrir þægindarammann Tómas Arnar Þorláksson skrifar 25. október 2024 22:32 Grímur Grímsson er í þriðja sæti Viðreisnar í Reykjavíkurkjördæmi norður. Vísir/Arnar „Það er þannig að sumir lenda á milli og þá eru engin úrræði sem passa við. Við sjáum það í samtölum við fólk að það eru til börn og ungmenni sem eru með þannig vandkvæði að þau passa hvergi. Við finnum það öll að þegar það er talað um málefni barna að þetta er viðkvæmt og miklar tilfinningar í þessu. Fyrir utan það að það er auðvitað kostnaður fyrir samfélagið að það verði til fólk sem brýtur af sér eða verði ekki nýtir þjóðfélagsþegnar.“ Þetta segir Grímur Grímsson, yfirlögregluþjónn á rannsóknarsviði lögreglunnar á höfuðborgarsvæðinu, í samtali við Reykjavík síðdegis í dag. Grímur skipar þriðja sæti Viðreisnar í Reykjavíkurkjördæmi norður en hann segist hafa verið með í maganum síðan hann tilkynnti framboð sitt og að hann sé að stíga rækilega út fyrir þægindaramman. Grímur kláraði síðasta vinnudaginn sinn hjá lögreglunni í bili í dag en er nú í fimm vikna fríi fram að þingkosningum 30. nóvember. Þurfi að vinna hraðar í útlendingamálum Hann segir það blendnar tilfinningar að vera kominn í pólitíkina enda kann hann vel við sig í sínu starfi. Grímur hefur starfað hjá lögreglunni í rúm 35 ár og segist hafa upplifað ýmislegt á sínum ferli sem hafi haft áhrif á hann og hans hugðarefni sem hann tekur með sér í pólitíkina. „Akkúrat núna eru kosningar svo það var annað hvort að hrökkva eða stökkva núna. Ég gaf kost á mér við Viðreisn og hafði samband við þau og benti á að ég hefði áhuga og naut þess trausts að vera settur í þriðja sæti.“ Grímur segir mikilvægt að horfa til útlendingamálanna og að það verði að vinna hraðar úr þeim málum. Hann segir kostnað kerfisins eins og það er í dag vera mikinn fyrir samfélagið. „Við þurfum að geta tekið á móti fólki sem við viljum taka á móti með mannúð og mildi að leiðarljósi og búa þeim gott umhverfi. Þegar staðan er orðin þannig að það eru orðnir svona margir er það erfitt svo að vel sé.“ Hann bætir við að mikilvægt sé að læra af þróuninni hjá nágrannalöndum okkar. „Til dæmis því þú nefnir Europol, þá er það stofnun sem greinir mikið af upplýsingum og gefur út skýrslur. Þeir hafa bent á að skipulögð brotastarfsemi sé mesta ógn sem stafar að Evrópu ásamt hryðjuverkum. [...] Að bera okkar saman við aðrar þjóðir og aðrar löggæslustofnanir, ég held það skipti bara rosalegu máli varðandi öryggismál.“ Öryggismál sérstakt áhugamál Grímur tekur fram að til þessa hefur hann ekki verið í stöðu til að gagnrýna störf stjórnvalda opinberlega en bætir við að í gegnum tíðina hafi hann verið í stöðugu sambandi við ráðuneyti sem lögreglan heyrir undir. Hann hafi átt í ágætu samstarfi við stjórnmálamenn, embættismenn og starfsmenn ráðuneyta. „Öryggismál í sínum víðasta skilningi er áhugamál hjá mér. Þar með talið er löggæsla en ég vil nefna sérstaklega innan þess flokks eru netbrot og netvarnir. Ég held að við þurfum að bæta verulega í þar. Á síðustu árum þá hef ég verið yfirlögregluþjónn á rannsóknarsviði og það sem ég hef mest látið til mín taka eru mál sem snúa að börnum. Börnum í viðkvæmri stöðu og skipulögð brotastarfsemi. Þetta getur legið saman með ákveðnum hætti vegna þess að börn í viðkvæmum stöðum eru ekki endilega bara börn á Íslandi heldur líka börn erlendis og barnaníð á netinu sem við höfum lagt áherslu á að vinna með,“ segir Grímur inntur eftir því hver helstu áherslumál hans séu í stjórnmálum. Valdi óhug hve oft börn komi við sögu í alvarlegum málum Hann segist eiga bæði við brot gegn börnum sem lögreglan sinnir en einnig brot barna og nefnir dæmi sem hafa komið upp undanfarin misseri. Hann segir mikilvægt að athuga hvernig hægt sé að grípa fyrr inn í hjá börnum sem eru í áhættuhóp. Hann segir stjórnvöld þurfa að grípa inn í. Spurður hvernig Grímur líti á samfélagið í dag hvað varðar öryggi og hvort að þjóðfélagið hafi tekið stakkaskiptum undanfarið segir Grímur: „Ég held að þessi staðreynd að árinu séu komin átta manndrápsmál og árið er ekki búið. Þetta er það há tala að þetta er það mikið frávik að við hljótum að velta þessu fyrir okkur. Við skulum þó ekki túlka þessa tölu strax of mikið. Það hafa komið svona toppar í alls konar afbrot og síðan hefur kannski ekkert gerst næstu tvö ár á eftir. Kannski jafnast þetta út og við verðum að vona það. Af þessum átta manndrápsmálum þá eru fjögur sem hafa verið hjá okur og þar af eru þrjú mál þar sem börn koma við sögu. Það er auðvitað verulegt áhyggjuefni þegar að börn koma að málum.“ Viðreisn Alþingiskosningar 2024 Reykjavíkurkjördæmi norður Lögreglan Mest lesið Leigubíll án verðmerkingar og veitingastaðir í óleyfi Innlent Stal 73 rauðvínsflöskum og rúllaði burt á þríhjóli Erlent Tjald vonarinnar brann til kaldra kola Innlent Díselþjófar staðnir að verki: „Þetta er búið að kosta okkur milljónir“ Innlent Skötumessur Ásmundar Friðrikssonar gefa vel af sér Innlent Merkúr Máni sótti brons í Ólympíukeppninni í líffræði Innlent „Þá er samkeppnishæfnin farin, það segir sig bara sjálft“ Innlent Ísraelsher stöðvaði aðra skútu með vistum Erlent Tekist á um Evrópumálin Innlent Allt að nítján stiga hiti á Suðurlandi Veður Fleiri fréttir Tekist á um Evrópumálin Merkúr Máni sótti brons í Ólympíukeppninni í líffræði Leigubíll án verðmerkingar og veitingastaðir í óleyfi Virknin minnkað þó áfram gjósi Tjald vonarinnar brann til kaldra kola Skötumessur Ásmundar Friðrikssonar gefa vel af sér „Þá er samkeppnishæfnin farin, það segir sig bara sjálft“ Líkamsárás í farþegaskipi „Kaldar kveðjur frá ESB“ og tilfinningaþrungin stund á Druslugöngu Hvalfjarðargöng opin á ný „Það er verið að taka aðeins of mikið“ Díselþjófar staðnir að verki: „Þetta er búið að kosta okkur milljónir“ „Ég held að það sé nú best að anda rólega“ Áhugi ungra stráka á Druslugöngunni kom skemmtilega á óvart Mögulegir Evróputollar á íslenskar vörur, lundastofn í rénun og Druslugangan Komst ekki heim frá Íran fyrr en mánuði eftir árásirnar Segir eðlilegast að strandveiðiheimildir verði fyrir utan alla potta Reyndist fjölmennt matarboð „þar sem gleðin var við völd“ Skógasafn vill Gunnfaxa en beðið svara eigenda Áfram gýs úr einum gíg „Það nægir ekki ESB að rústa eigin iðnaðarframleiðslu“ Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgarar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Sjá meira
Þetta segir Grímur Grímsson, yfirlögregluþjónn á rannsóknarsviði lögreglunnar á höfuðborgarsvæðinu, í samtali við Reykjavík síðdegis í dag. Grímur skipar þriðja sæti Viðreisnar í Reykjavíkurkjördæmi norður en hann segist hafa verið með í maganum síðan hann tilkynnti framboð sitt og að hann sé að stíga rækilega út fyrir þægindaramman. Grímur kláraði síðasta vinnudaginn sinn hjá lögreglunni í bili í dag en er nú í fimm vikna fríi fram að þingkosningum 30. nóvember. Þurfi að vinna hraðar í útlendingamálum Hann segir það blendnar tilfinningar að vera kominn í pólitíkina enda kann hann vel við sig í sínu starfi. Grímur hefur starfað hjá lögreglunni í rúm 35 ár og segist hafa upplifað ýmislegt á sínum ferli sem hafi haft áhrif á hann og hans hugðarefni sem hann tekur með sér í pólitíkina. „Akkúrat núna eru kosningar svo það var annað hvort að hrökkva eða stökkva núna. Ég gaf kost á mér við Viðreisn og hafði samband við þau og benti á að ég hefði áhuga og naut þess trausts að vera settur í þriðja sæti.“ Grímur segir mikilvægt að horfa til útlendingamálanna og að það verði að vinna hraðar úr þeim málum. Hann segir kostnað kerfisins eins og það er í dag vera mikinn fyrir samfélagið. „Við þurfum að geta tekið á móti fólki sem við viljum taka á móti með mannúð og mildi að leiðarljósi og búa þeim gott umhverfi. Þegar staðan er orðin þannig að það eru orðnir svona margir er það erfitt svo að vel sé.“ Hann bætir við að mikilvægt sé að læra af þróuninni hjá nágrannalöndum okkar. „Til dæmis því þú nefnir Europol, þá er það stofnun sem greinir mikið af upplýsingum og gefur út skýrslur. Þeir hafa bent á að skipulögð brotastarfsemi sé mesta ógn sem stafar að Evrópu ásamt hryðjuverkum. [...] Að bera okkar saman við aðrar þjóðir og aðrar löggæslustofnanir, ég held það skipti bara rosalegu máli varðandi öryggismál.“ Öryggismál sérstakt áhugamál Grímur tekur fram að til þessa hefur hann ekki verið í stöðu til að gagnrýna störf stjórnvalda opinberlega en bætir við að í gegnum tíðina hafi hann verið í stöðugu sambandi við ráðuneyti sem lögreglan heyrir undir. Hann hafi átt í ágætu samstarfi við stjórnmálamenn, embættismenn og starfsmenn ráðuneyta. „Öryggismál í sínum víðasta skilningi er áhugamál hjá mér. Þar með talið er löggæsla en ég vil nefna sérstaklega innan þess flokks eru netbrot og netvarnir. Ég held að við þurfum að bæta verulega í þar. Á síðustu árum þá hef ég verið yfirlögregluþjónn á rannsóknarsviði og það sem ég hef mest látið til mín taka eru mál sem snúa að börnum. Börnum í viðkvæmri stöðu og skipulögð brotastarfsemi. Þetta getur legið saman með ákveðnum hætti vegna þess að börn í viðkvæmum stöðum eru ekki endilega bara börn á Íslandi heldur líka börn erlendis og barnaníð á netinu sem við höfum lagt áherslu á að vinna með,“ segir Grímur inntur eftir því hver helstu áherslumál hans séu í stjórnmálum. Valdi óhug hve oft börn komi við sögu í alvarlegum málum Hann segist eiga bæði við brot gegn börnum sem lögreglan sinnir en einnig brot barna og nefnir dæmi sem hafa komið upp undanfarin misseri. Hann segir mikilvægt að athuga hvernig hægt sé að grípa fyrr inn í hjá börnum sem eru í áhættuhóp. Hann segir stjórnvöld þurfa að grípa inn í. Spurður hvernig Grímur líti á samfélagið í dag hvað varðar öryggi og hvort að þjóðfélagið hafi tekið stakkaskiptum undanfarið segir Grímur: „Ég held að þessi staðreynd að árinu séu komin átta manndrápsmál og árið er ekki búið. Þetta er það há tala að þetta er það mikið frávik að við hljótum að velta þessu fyrir okkur. Við skulum þó ekki túlka þessa tölu strax of mikið. Það hafa komið svona toppar í alls konar afbrot og síðan hefur kannski ekkert gerst næstu tvö ár á eftir. Kannski jafnast þetta út og við verðum að vona það. Af þessum átta manndrápsmálum þá eru fjögur sem hafa verið hjá okur og þar af eru þrjú mál þar sem börn koma við sögu. Það er auðvitað verulegt áhyggjuefni þegar að börn koma að málum.“
Viðreisn Alþingiskosningar 2024 Reykjavíkurkjördæmi norður Lögreglan Mest lesið Leigubíll án verðmerkingar og veitingastaðir í óleyfi Innlent Stal 73 rauðvínsflöskum og rúllaði burt á þríhjóli Erlent Tjald vonarinnar brann til kaldra kola Innlent Díselþjófar staðnir að verki: „Þetta er búið að kosta okkur milljónir“ Innlent Skötumessur Ásmundar Friðrikssonar gefa vel af sér Innlent Merkúr Máni sótti brons í Ólympíukeppninni í líffræði Innlent „Þá er samkeppnishæfnin farin, það segir sig bara sjálft“ Innlent Ísraelsher stöðvaði aðra skútu með vistum Erlent Tekist á um Evrópumálin Innlent Allt að nítján stiga hiti á Suðurlandi Veður Fleiri fréttir Tekist á um Evrópumálin Merkúr Máni sótti brons í Ólympíukeppninni í líffræði Leigubíll án verðmerkingar og veitingastaðir í óleyfi Virknin minnkað þó áfram gjósi Tjald vonarinnar brann til kaldra kola Skötumessur Ásmundar Friðrikssonar gefa vel af sér „Þá er samkeppnishæfnin farin, það segir sig bara sjálft“ Líkamsárás í farþegaskipi „Kaldar kveðjur frá ESB“ og tilfinningaþrungin stund á Druslugöngu Hvalfjarðargöng opin á ný „Það er verið að taka aðeins of mikið“ Díselþjófar staðnir að verki: „Þetta er búið að kosta okkur milljónir“ „Ég held að það sé nú best að anda rólega“ Áhugi ungra stráka á Druslugöngunni kom skemmtilega á óvart Mögulegir Evróputollar á íslenskar vörur, lundastofn í rénun og Druslugangan Komst ekki heim frá Íran fyrr en mánuði eftir árásirnar Segir eðlilegast að strandveiðiheimildir verði fyrir utan alla potta Reyndist fjölmennt matarboð „þar sem gleðin var við völd“ Skógasafn vill Gunnfaxa en beðið svara eigenda Áfram gýs úr einum gíg „Það nægir ekki ESB að rústa eigin iðnaðarframleiðslu“ Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgarar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Sjá meira