Innlent

Píratar stefna á stjórnar­sam­starf án Sjálf­stæðis­flokksins

Heimir Már Pétursson skrifar
Þórhildur Sunna Ævarsdótttir segir Pírata stefna að því að komast í ríkisstjórn að afloknum kosningum.
Þórhildur Sunna Ævarsdótttir segir Pírata stefna að því að komast í ríkisstjórn að afloknum kosningum. Vídsir/Rax

Þórhildur Sunna Ævardóttir þingflokksformaður Pírata er sannfærð um að hreyfingunni takist að koma fulltrúum á þing þótt á brattan hafi verið að sækja í könnunum að undanförnu. Í Samtalinu með Heimi Má segir hún Pírata stefna að því að komast í ríkisstjórn en muni þó ekki mynda stjórn með Sjálfstæðisflokknum.

Samkvæmt könnun Maskínu sem birt var í dag mælast Píratar með 4,9 prósenta fylgi á landsvísu sem gæti þýtt að hreyfingin fengi ekki kjörinn fulltrúa á Alþingi. Í nýlegum könnunum hefur flokkurinn þó mælst með rúmlega sex prósenta fylgi í Suðvesturkjördæmi, sem sennilega myndi duga fyrir þingmanni. Þá fengii flokkurinn væntanlega jöfnunarmann eða menn.

Þórhildur Sunna segir fráfarandi ríkisstjórn hafa búið til kostnaðarsöm mistök í útlendingamálum.Vísir/Rax

Í Samtalinu með Heimi Má sem sýnt verður í opinni dagskrá á Stöð 2 strax að loknum fréttum og Íslandi í dag í kvöld, er meðal annars farið yfir erjur í tengslum við kjör til framkvæmdastjórnar flokksins á nýlegum aðalfundi Pírata. Þórhildur Sunna segist vona að gróið sé um þau mál og almennt væri góður baráttuandi í hreyfingunni nú í aðdraganda kosninga.

Hún segir Pírata telja rétt að boða fljótlega til þjóðaratkvæðagreiðslu um áframhald aðildarviðræðna við Evrópusambandið og þá alveg sérstaklega eftir að Donald Trump var endurkjörinn forseti Bandaríkjanna. Þar með taka Píratar svipaða stefnu og Viðreisn. Þórhildur Sunna segir ekki meiga bíða of lengi með þá þjóðaratkvæðagreiðslu þótt hún verði að fara fram að undangenginni góðri umræðu.

Píratar hafa einnig á stefnuskrá sinni að koma á fót sérstakri stofnun sem fari með rannsókn spillingar.

Málefni útlendinga, skattamál og spillingarmál bar einnig á góma í Samtalinu sem sýnt verður klukkan 19:10 í opinni dagskrá á Stöð 2 í kvöld. Þátturinn verður síðan birtur fljótlega eftir það á Vísi.

Samtalið Alþingiskosningar 2024 Alþingi Ríkisstjórn Bjarna Benediktssonar Ríkisstjórn Katrínar Jakobsdóttur (2017-2024) Píratar

Tengdar fréttir

Kallar eftir um­boði þjóðarinnar til breytinga

Hún kom eins og óskrifað blað inn í íslensk stjórnmál fyrir alþingiskosningarnar 2021 og var orðin formaður Samfylkingarinnar um ári síðar. Fljótlega varð ljóst að hún var stjórnmálamaður af annarri skúffu en flestir. Hún ferðaðist um landið með opna fundi og upp úr þeim ferðum mótaði hún nýja stefnu fyrir Samfylkinguna sem var nálægt því að þurrkast út í kosningunum 2016.

Þakklát fyrir að missa ekki sjónina síðar á ævinni

Inga Sæland formaður og stofnandi Flokks fólksins gerir lítið úr væringum innan flokksins nú þegar hún leiðir hann í fjórða sinn í kosningum til Alþingis. Tveir áberandi þingmenn í forystu flokksins, Tómas A. Tómasson í Reykjavíkurkjördæmi norður og Jakob Frímann Magnússon í Norðausturkjördæmi, fengu ekki brautargengi til að leiða flokkinn í kjördæmum sínum.

For­maður Fram­sóknar segir ríkis­stjórnina hafa talað sjálfa sig niður

Sigurður Ingi Jóhannsson formaður Framsóknarflokksins hefur lagt sjálfan sig að veði í komandi alþingiskosningum með því að taka annað sæti á lista flokksins í Suðurkjördæmi. Þar með baráttusætið því flokkurinn hefur ekki mælst með mann inni úr kjördæminu í nýjustu könnunum.

Þorgerður Katrín: Enginn ráðskonurass undir fólki í Viðreisn

Þorgerður Katrín Gunnarsdóttir formaður Viðreisnar er keppniskona með mikla reynslu af stjórnmálum og er kominn í hlaupaskóna fyrir næstu alþingiskosningar. Hún segir engann „ráðskonurass undir fólki í Viðreisn," sem taki almannahagsmuni fram yfir sérhagsmuni.   Þegar Benedikt Jóhannesson, aðalhvatamaður að stofnun Viðreisnar og fyrsti formaður flokksins, sagði af sér formennskunni aðeins sautján dögum fyrir kosningarnar 2017, stökk Þorgerður Katrín upp í brú á þessu nýsjósetta skipi í ólgusjó íslenskra stjórnmála og kom því í höfn.

Brotthvarf Katrínar hafði mikil áhrif

Svandís Svavarsdóttir er staðráðin í að Vinstrihreyfingin grænt framboð nái fulltrúum á þing í næstu alþingiskosningum þótt kannanir að undanförnu sýni að þar verði á brattan að sækja. Í Samtalinu á Vísi á fimmtudag fór hún yfir erindi hreyfingarinnar, stjórnarsamstarfið með Sjálfstæðisflokki og Framsókn í sjö ár og hvaða mál það eru sem hún telur mikilvægt að ná í gegn á Alþingi fyrir kosningar.

Maður margra storma íhugar stöðu sína

Bjarni Benediktsson hefur í fyrsta sinn opinberlega greint frá því að hann íhugi nú stöðu sína eftir fimmtán ár í formannsstóli Sjálfstæðisflokksins. Hann geri sér grein fyrir að dagur ákvörðunar renni upp innan hálfs árs, eða fyrir landsfund flokksins sem fram fer um mánaðamótin febrúar-mars á næsta ári. Ef til vill væri kominn tími til að hleypa nýju blóði inn í forystu flokksins.

Mest lesið


Fleiri fréttir

Sjá meira


×

Mest lesið