Hunsaði varnaðarorðin og skrifaði aftur um ást Jesú á fyrirliðabandið sitt

Guéhi var varaður við eftir að hann skrifaði „Ég elska Jesú“ á fyrirliðabandið sitt í leik helgarinnar sem var á móti Newcastle United.

Öll félögin í deildinni fengu marglita fyrirliðabönd til að nota um helgina og var ætlunin að styðja með því við LGBTQ+ samfélagið og fjölbreytileikann.

Enska úrvalsdeildin ákvað að refsa ekki leikmanninum fyrir uppátæki sitt um helgina en varaði hann við að það væri ekki leyfilegt að vera með trúarleg skilaboð á búningi eða öðrum klæðnaði sínum í leikjum.

Guéhi gerði lítið úr þeim varnaðarorðum og skrifaði aftur Jesú á fyrirliðabandið fyrir leikinn sinn í gærkvöldi.

Í stað þess að skrifa „Ég elska Jesú“ þá skrifaði hann að þessu sinni „Jesú elskar þig“ á fyrirliðabandið.

Guéhi er mjög trúaður en það er ólíklegt að hann sleppi aftur jafnvel og síðast. Það má búast við sekt og jafnvel leikbanni.