Körfubolti

Bene­dikt í bann

Ingvi Þór Sæmundsson skrifar
Benedikt Guðmundsson tók við Tindastóli fyrir tímabilið.
Benedikt Guðmundsson tók við Tindastóli fyrir tímabilið. vísir/anton

Þjálfari Tindastóls í Bónus deild karla í körfubolta, Benedikt Guðmundsson, hefur verið dæmdur í eins leiks bann.

Benedikt var rekinn af velli í leik Tindastóls og Álftaness í síðustu viku. Í dag kom svo niðurstaða Aga- og úrskurðarnefndar KKÍ að búið væri að dæma Benedikt í eins leiks bann.

Hann getur því ekki stýrt Tindastóli þegar liðið sækir Keflavík heim í 9. umferð Bónus deildarinnar annað kvöld.

Eftir að hafa tapað fyrir KR-ingum í 1. umferð Bónus deildarinnar hafa Stólarnir unnið sjö leiki í röð. Þeir eru á toppi deildarinnar.

Leikur Keflavíkur og Tindastóls hefst klukkan 19:30 og verður sýndur beint á Stöð 2 Sport.

Bónus-deild karla Tindastóll

Mest lesið


Fleiri fréttir

Sjá meira


×

Mest lesið