Fredericia er í 3. sæti deildarinnar með nítján stig, fjórum stigum á eftir GOG og Álaborg sem verma tvö efstu sætin. Holstebro er í 7. sæti með fimmtán stig.
Einar Þorsteinn Ólafsson var ekki á meðal markaskorara hjá Fredericia en Arnór Viðarsson var ekki í leikmannahópi liðsins.
Íslendingalið Ribe-Esbjerg tapaði sínum sjötta leik í röð þegar það laut í lægra haldi fyrir Álaborg, 37-39. Ribe-Esbjerg hefur aðeins unnið einn leik á tímabilinu og er í þrettánda og næstneðsta sæti deildarinnar með einungis þrjú stig.
Elvar Ásgeirsson skoraði þrjú mörk og gaf tvær stoðsendingar fyrir Ribe-Esbjerg. Ágúst Elí Björgvinsson varði tíu skot í marki liðsins (25,6 prósent).
Kristján Örn Kristjánsson skoraði eitt mark úr sex skotum þegar Skanderborg steinlá fyrir Mors-Thy, 35-21. Staðan í hálfleik var jöfn en Mors-Thy vann seinni hálfleikinn, 23-9.
Skanderborg er í 6. sæti deildarinnar með sextán stig. Fyrir viðureignina í dag hafði liðið unnið fjóra leiki í röð.
