Sjö ára stúlka stungin til bana í skóla Zagreb

Af þeim sem særðust er enginn sagður í lífshættu. Árásir sem þessar eru mjög sjaldgæfar í Króatíu.

AP fréttaveitan segir árásarmanninn hafa gengið inn í skólann um klukkan 9:50 að staðartíma, eða 8:50 að íslenskum tíma, og hefur honum verið lýst sem ungum fyrrverandi nemanda í skólanum. Hann ku vera nítján ára gamall.

Tilefni árásarinnar liggur ekki fyrir. Andrej Plenkovic, forsætisráðherra Króatíu, hefur sagt að lögreglan sé að reyna að komast til botns í því hvað gerðist og hvernig.

Reuters hefur eftir Davor Bozinovic, innanríkisráðherra, að árásarmaðurinn hafi átt við geðræn vandamál að stríða og hafi reynt að svipta sig lífi í fyrra.

Eftir árásina hljóp hann á brott og logaði sig inni á nærliggjandi heilsugæslustöð. Þar reyndi hann að bana sér með hnífi sínum en var stöðvaður af lögregluþjónum.