Viðvörunarljós hefðu átt að blikka í ráðuneytinu Árni Sæberg skrifar 28. janúar 2025 13:59 Daði Már Kristófersson er fjármálaráðherra utan þings. Vísir/Sigurjón Fjármálaráðherra segir ljóst að eitthvað hafi farið úrskeiðis þegar stjórnmálaflokkar fengu greitt úr ríkissjóði, án þess að uppfylla skilyrði fyrir slíkum greiðslum. Viðvörunarljós hefðu átt að blikka inni í fjármálaráðuneytinu löngu áður en málið komst í hámæli í kjölfar fjölmiðlaumfjöllunar. Greint var frá því í gær að í heildina hafi fimm stjórnmálaflokkar þegið framlög úr ríkissjóði áður en þeir breyttu skráningu sinni í samræmi við lög um starfsemi stjórnmálaflokka. Frá 1. janúar árið 2022 var skráning á stjórnmálasamtakaskrá skilyrði fyrir úthlutun framlaga úr ríkissjóði. Þann 25. janúar árið 2022, þegar framlögum fyrir það ár var úthlutað, höfðu Sjálfstæðisflokkur, Flokkur fólksins, Vinstri græn, Píratar og Sósíalistaflokkurinn ekki skráð sig sem stjórnmálasamtök. Sjálfstæðisflokkur og Píratar bættu úr skráningunni síðar árið 2022, Sósíalistaflokkurinn í nóvember 2023 og Vinstri græn í september í fyrra. Flokkur fólksins er enn skráður sem félagasamtök. Telja sig hafa uppfyllt öll skilyrði Sjálfstæðisflokkurinn sendi frá sér yfirlýsingu í kjölfar fréttaflutnings Vísis af styrkjamálum flokksins árið 2022, þegar flokkurinn fékk greiddar út 167 milljónir króna án þess að vera á stjórnmálasamtakaskrá. Þar segir að Sjálfstæðisflokkurinn líti svo á að hann hafi uppfyllt skilyrði laga til þess að fá fjárstyrk frá ríkinu þrátt fyrir að hann hafi ekki verið skráður sem stjórnmálasamtök. Eyðublað um skráningu flokka sem stjórnmálasamtaka hjá ríkisskattstjóra hefði ekki verið tilbúið fyrr en 12. janúar 2022. Ekki hafi verið kveðið á um að skráningin þyrfti að fara fram innan ákveðins tíma. „Af eðli fjárlaga leiðir að það þurfti að vera innan ársins sem fjárheimildin nær yfir,“ segir í yfirlýsingu Sjálfstæðisflokksins. Tekið skal fram að lögin sem gerðu skráningu sem stjórnmálasamtök að skilyrði fyrir ríkisstyrk tóku gildi sumarið 2021. Lögunum var breytt til bráðabirgða skömmu síðar þannig að skráningin væri ekki skilyrði fyrir greiðslum fyrir árið 2021. Skráningin var skilyrði fyrir því að flokkar fengju greitt fyrir árið 2022 frá 1. janúar það ár. Greiðsla styrkjanna fyrir árið 2022 fór fram 25. janúar. Kveðið hefur verið á um þá dagsetningu í lögunum frá 2018. Sjálfstæðisflokkurinn var ekki skráður sem stjórnmálasamtök fyrr en 8. apríl árið 2022. Málið í skoðun Heimir Már Pétursson fréttamaður ræddi við Daða Má Kristófersson, fjármála- og efnahagsráðherra, að loknum ríkisstjórnarfundi í morgun og spurði hann hvort honum þætti eðlilegt að ráðuneyti hans krefðist þess að þeir flokkar sem fengið hafa greitt án réttrar skráningar endurgreiði framlögin. „Þau mál eru einfaldlega til skoðunar. Það verður að fara í kjölinn á því hvers vegna framkvæmdin var ekki betri en raun bara vitni. Hún hefur verið bætt en við verðum að fara yfir það. Ég get ekki tjáð mig um það fyrr en niðurstaða í því liggur fyrir,“ segir Daði Már. Ábyrgðin ekki hjá Fjársýslunni Daði Már segir ljóst að viðvörunarljós hefðu átt að blikka inni í fjármálaráðuneytinu áður en kom til greiðslna til stjórnmálaflokka sem voru ekki réttilega skráðir. „Þarna hefur verklag brugðist. Það er kannski rétt að taka það fram að sumir fjölmiðlar hafa gagnrýnt Fjársýsluna [ríkisins] í þessum efnum en þetta er ekki á hennar könnu, þetta er á könnu ráðuneytisins. Ég hef látið breyta því verklagi en við verðum að fara yfir það hvar sú ábyrgð liggur. Ráðuneytinu er pólitískt stýrt, þannig að við þurfum að fara yfir það hvar ábyrgðin liggur.“ Ríkissjóður hafi ekki greitt blint út Hann segir það þó alls ekki hafa verið svo að fjármunir hafi runnið frá ríkissjóði til stjórnmálaflokka án nokkurrar gagnrýni. Ýmsir hlutir hafi verið í himnalagi, yfirferð Ríkisendurskoðunar á ársreikningum og annað slíkt. Þá segir hann alveg ljóst að flokkarnir sem fengu greitt hafi verið stjórmálaflokkar, þrátt fyrir að hafa ekki verið skráðir á svokallaða stjórnmálasamtakaskrá. Segjum sem svo að Flokkur fólksins lagi sína skráningu á aðalfundi í febrúar, kemur til greina að endurskoða hvort flokkurinn fái greitt vegna þessa árs? „Við förum að lögunum og uppfylli sá flokkur, eins og aðrir flokkar, skilyrði laganna, fær hann greitt.“ Styrkir til stjórnmálasamtaka Ríkisstjórn Kristrúnar Frostadóttur Stjórnsýsla Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Starfsfólk Alcoa vilji setja fyrirtækinu mörk Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira
Greint var frá því í gær að í heildina hafi fimm stjórnmálaflokkar þegið framlög úr ríkissjóði áður en þeir breyttu skráningu sinni í samræmi við lög um starfsemi stjórnmálaflokka. Frá 1. janúar árið 2022 var skráning á stjórnmálasamtakaskrá skilyrði fyrir úthlutun framlaga úr ríkissjóði. Þann 25. janúar árið 2022, þegar framlögum fyrir það ár var úthlutað, höfðu Sjálfstæðisflokkur, Flokkur fólksins, Vinstri græn, Píratar og Sósíalistaflokkurinn ekki skráð sig sem stjórnmálasamtök. Sjálfstæðisflokkur og Píratar bættu úr skráningunni síðar árið 2022, Sósíalistaflokkurinn í nóvember 2023 og Vinstri græn í september í fyrra. Flokkur fólksins er enn skráður sem félagasamtök. Telja sig hafa uppfyllt öll skilyrði Sjálfstæðisflokkurinn sendi frá sér yfirlýsingu í kjölfar fréttaflutnings Vísis af styrkjamálum flokksins árið 2022, þegar flokkurinn fékk greiddar út 167 milljónir króna án þess að vera á stjórnmálasamtakaskrá. Þar segir að Sjálfstæðisflokkurinn líti svo á að hann hafi uppfyllt skilyrði laga til þess að fá fjárstyrk frá ríkinu þrátt fyrir að hann hafi ekki verið skráður sem stjórnmálasamtök. Eyðublað um skráningu flokka sem stjórnmálasamtaka hjá ríkisskattstjóra hefði ekki verið tilbúið fyrr en 12. janúar 2022. Ekki hafi verið kveðið á um að skráningin þyrfti að fara fram innan ákveðins tíma. „Af eðli fjárlaga leiðir að það þurfti að vera innan ársins sem fjárheimildin nær yfir,“ segir í yfirlýsingu Sjálfstæðisflokksins. Tekið skal fram að lögin sem gerðu skráningu sem stjórnmálasamtök að skilyrði fyrir ríkisstyrk tóku gildi sumarið 2021. Lögunum var breytt til bráðabirgða skömmu síðar þannig að skráningin væri ekki skilyrði fyrir greiðslum fyrir árið 2021. Skráningin var skilyrði fyrir því að flokkar fengju greitt fyrir árið 2022 frá 1. janúar það ár. Greiðsla styrkjanna fyrir árið 2022 fór fram 25. janúar. Kveðið hefur verið á um þá dagsetningu í lögunum frá 2018. Sjálfstæðisflokkurinn var ekki skráður sem stjórnmálasamtök fyrr en 8. apríl árið 2022. Málið í skoðun Heimir Már Pétursson fréttamaður ræddi við Daða Má Kristófersson, fjármála- og efnahagsráðherra, að loknum ríkisstjórnarfundi í morgun og spurði hann hvort honum þætti eðlilegt að ráðuneyti hans krefðist þess að þeir flokkar sem fengið hafa greitt án réttrar skráningar endurgreiði framlögin. „Þau mál eru einfaldlega til skoðunar. Það verður að fara í kjölinn á því hvers vegna framkvæmdin var ekki betri en raun bara vitni. Hún hefur verið bætt en við verðum að fara yfir það. Ég get ekki tjáð mig um það fyrr en niðurstaða í því liggur fyrir,“ segir Daði Már. Ábyrgðin ekki hjá Fjársýslunni Daði Már segir ljóst að viðvörunarljós hefðu átt að blikka inni í fjármálaráðuneytinu áður en kom til greiðslna til stjórnmálaflokka sem voru ekki réttilega skráðir. „Þarna hefur verklag brugðist. Það er kannski rétt að taka það fram að sumir fjölmiðlar hafa gagnrýnt Fjársýsluna [ríkisins] í þessum efnum en þetta er ekki á hennar könnu, þetta er á könnu ráðuneytisins. Ég hef látið breyta því verklagi en við verðum að fara yfir það hvar sú ábyrgð liggur. Ráðuneytinu er pólitískt stýrt, þannig að við þurfum að fara yfir það hvar ábyrgðin liggur.“ Ríkissjóður hafi ekki greitt blint út Hann segir það þó alls ekki hafa verið svo að fjármunir hafi runnið frá ríkissjóði til stjórnmálaflokka án nokkurrar gagnrýni. Ýmsir hlutir hafi verið í himnalagi, yfirferð Ríkisendurskoðunar á ársreikningum og annað slíkt. Þá segir hann alveg ljóst að flokkarnir sem fengu greitt hafi verið stjórmálaflokkar, þrátt fyrir að hafa ekki verið skráðir á svokallaða stjórnmálasamtakaskrá. Segjum sem svo að Flokkur fólksins lagi sína skráningu á aðalfundi í febrúar, kemur til greina að endurskoða hvort flokkurinn fái greitt vegna þessa árs? „Við förum að lögunum og uppfylli sá flokkur, eins og aðrir flokkar, skilyrði laganna, fær hann greitt.“
Styrkir til stjórnmálasamtaka Ríkisstjórn Kristrúnar Frostadóttur Stjórnsýsla Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Starfsfólk Alcoa vilji setja fyrirtækinu mörk Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira