Ríkisstjórn Kristrúnar Frostadóttur

Fréttamynd

Um­ræðan hafi „aftur og aftur snúist um get­gátur, mis­skilning og út­úr­snúninga“

„Þjóðaratkvæðagreiðslan 29. ágúst snýst um eitt: Viljum við að Ísland setjist við samningaborðið og freisti þess að ná eins hagfelldum samningi og völ er á, með þessi markmið að leiðarljósi? Verði svarið já opnum við á tækifæri. Með því að segja nei lokum við þessum dyrum. Í báðum tilvikum er það þjóðin sjálf sem ræður. Það er kjarni málsins, og hann breytist ekki þótt reynt sé að flækja hann.“

Innlent
Fréttamynd

Mikið fylgistreymi milli Mið­flokksins og Sjálf­stæðis­flokksins

Mikil fylgisaukning Sjálfstæðisflokksins stafar líklega af fylgistreymi frá Miðflokknum að sögn stjórmálafræðings. Samanlagt fylgi stjórnarflokkanna annars vegar og stjórnarandstöðu hins vegar hafi haldist heldur stöðugt en miklar hreyfingar séu á fylgi innan stjórnarandstöðunnar. 

Innlent
Fréttamynd

Hand­takan þyrfti að byggja á al­þjóða­lögum

Hvorki utanríkisráðherrar Íslands né Frakklands svöruðu því beint hvort þau myndu styðja hugsanlega handtöku Benjamíns Netanjahú, forsætisráðherra Ísraels, þegar hann kæmi til New York í september. Utanríkisráðherra Íslands segir að allar slíkar aðgerðir þurfi að vera samkvæmt alþjóðalögum.

Erlent
Fréttamynd

Hvað vakir fyrir ríkis­stjórninni?

Áður en þjóðin veitir ríkisstjórninni umboð til að hefja aðildarviðræður hlýtur hún því að eiga rétt á skýru svari við einfaldri spurningu: Hvaða markmið hyggst ríkisstjórnin leggja fram fyrir hönd Íslands í mögulegum viðræðum við Evrópusambandið?

Umræðan
Fréttamynd

Spunameistarinn Alastair Campbell mærir ís­lenska sumarsuddann

Breski spunameistarinn og hlaðvarpsstjórnandinn Alastair Campbell, sem var lengi vel talsmaður Tony Blair, er staddur á Íslandi til að taka viðtal við Kristrúnu Frostadóttur forsætisráðherra. Campbell er feginn að komast undan hitanum á Bretlandi í kuldann og rigninguna á Íslandi.

Lífið
Fréttamynd

Fari mjög lík­lega aftur í „Ég sagði það“-frakkann næsta vor

Framkvæmdastjóri Samtaka ferðaþjónustunnar segir jákvætt að unnið sé að því að vinna upp samkeppnishæfni sem hafi tapast undanfarin ár. Aftur á móti séu ýmis atriði sem séu óásættanleg og núverandi ríkisstjórn haldi uppi mýtum um greinina frekar en staðreyndum. Sem dæmi sé því haldið fram að hún sé best geymd á lágframleiðni- og láglaunaskalanum þegar hún sé í raun meðallaunagrein í hagkerfinu.

Innlent
Fréttamynd

„Nauð­syn­legt að fá varan­lega lausn“

Forstjóri Icelandair segir það góðar fréttir að tímabundin sérlausn Íslands vegna losunarheimilda Evrópusambandsins hafi verið framlengd til ársins 2030. Hann vonast aftur á móti eftir því að varanleg lausn finnist og vill kallar eftir því að alþjóðlegu losunarheimildakerfi verði komið á fót.

Viðskipti innlent
Fréttamynd

Sveitar­fé­lögin óþreyju­full og krefjast svara frá ráð­herrum

Fulltrúar sveitarfélaga segjast skorta fullnægjandi svör frá ráðuneytum og stofnunum um það hvernig umfangsmikilli tilfærslu heilbrigðiseftirlits verður háttað. Þingið samþykkti að flytja meginverkefni núverandi heilbrigðiseftirlita sveitarfélaga til nýrrar Stofnunar atvinnuveganna og Umhverfis- og orkustofnunar. Gert er ráð fyrir að breytingarnar eigi sér stað um áramótin.

Innlent
Fréttamynd

„Þessi fram­lenging var ekki sjálf­gefin“

Utanríkisráðherra segir það eyða mikilli óvissu að Evrópusambandið vilji framlengja sérlausn Íslands er varðar loftslagsheimildir. Um tímabundna lausn til ársins 2030 er að ræða, en hún vill meina að varanleg lausn yrði eitt af baráttumálum Íslendinga ef þeir hefja samningaviðræður við Evrópusambandið.

Viðskipti innlent
Fréttamynd

Verðum við að sætta okkur við meira af bíl­hræjum og verri um­gengni?

Nú liggja fyrir lög um einföldun regluverks og aukna skilvirkni eftirlits með hollustuháttum og mengunarvörnum. Markmið einföldunar eru oft góð og gild. Hins vegar vakna spurningar um hvort verið sé að veikja úrræði sveitarfélaga og eftirlitsaðila á sama tíma og vandamál vegna slæmrar umgengni fara vaxandi.

Skoðun
Fréttamynd

Enginn fram­halds­skóla­kennari meti stöðu ný­nema mjög góða

Mennta- og barnamálaráðuneytið hefur lokið fyrstu greiningu á stöðu námsefnis í stærðfræði grunn- og framhaldsskóla. Þrjátíu prósent kennara segja aðalnámsskrá styðja vel við skýra framvindu í námi og sextíu og tvö prósent framhaldsskólakennara meta stöðu nýnema frekar eða mjög veika. Lagt er til að stærðfræði verði skilgreind sem forgangsverkefni til næstu þriggja ára.

Innlent
Fréttamynd

„Þetta snýst ekki hrein­lega um bann heldur á­kveðna vernd“

Inga Sæland, mennta- og barnamálaráðherra, var spurð út í nýja frumvarpið sem snýr að símabanni fyrir börn, fjórtán ára og yngri, í Reykjavík síðdegis en hún sagði það tilkomið eftir ákveðna vakningu hvað málið varðar hjá íslenskum stjórnvöldum. Bannið yrði vonandi orðið að veruleika fyrir næstu áramót en að það væri alfarið til þess hugsað að vernda börn.

Innlent
Fréttamynd

Ekki öll jafn spennt fyrir boðuðu sam­félags­miðla­banni

Skiptar skoðanir eru á boðuðu samfélagsmiðlabanni fyrir 14 ára og yngri; þeir yngstu lýsa vonbrigðum en fullorðnir eru sáttir. Fjöldi ríkja hefur innleitt eða íhugað að innleiða aldurstakmark á samfélagsmiðla en árangurinn af því er misgóður. Tvær þingkonur ræddu einnig mögulega kosti og galla bannsins í kvöldfréttum Sýnar.

Innlent
Fréttamynd

Heil­brigðis­nefndir verða lagðar niður

Alþingi samþykkti nýlega frumvarp Jóhanns Páls Jóhannssonar, umhverfis-, orku- og loftslagsráðherra, um einföldun eftirlits með hollustuháttum og mengunarvörnum. Með lögunum eru heilbrigðisnefndir lagðar niður en gert er ráð fyrir að reglugerðarbreytingarnar taki gildi 1. janúar 2027 samhliða lagabreytingum.

Innlent
Fréttamynd

Endur­reisn mýranna megi ekki bíða lengur

Formaður Loftslagsráðs segir endurheimt votlendis á Íslandi ekki mega bíða lengur. Loftslagsráð boðar til þjóðarátak um endurheimt votlendis í nýrri skýrslu þar sem jafnframt kemur fram að markmið stjórnvalda hafa ekki náðst.

Innlent
Fréttamynd

Gefur engin fyrir­heit um lækkun áfengisgjalda

Áfengisgjöld verða til skoðunar við gerð næstu fjárlaga, að sögn fjármálaráðherra. Veitingamenn segja gjöldin íþyngjandi og benda á að ríkið innheimti tvöfalt meira með þeim en veiðigjöldum. Ráðherra segir hins vegar að erfið áfengissala geti sýnt að gjöldin þjóni tilgangi sínum.

Innlent
Fréttamynd

„Sannar­lega á­huga­verð gjöf“

Kristrún Frostadóttir forsætisráðherra segir skammbyssuna sem hún fékk að gjöf frá Tyrklandsforseta vera sannarlega „áhugaverða gjöf“. Gripurinn verður gerður óvirkur í Noregi.

Innlent
Fréttamynd

Flýtir af­greiðslu um allt að mánuð

Kröfunni um auglýsingu starfsleyfis og fjögurra vikna umsagnatíma áður en leyfi er veitt eða því breytt hefur verið létt af öllum flokkum atvinnustarfsemi sem heilbrigðisnefnd gefur út starfsleyfi fyrir. Þannig hefur afgreiðslu starfsleyfa verið flýtt um allt að fjórar vikur.

Innlent
Fréttamynd

„Ég hef aldrei farið á Vog, ekki enn þá“

Inga Sæland, barna- og menntamálaráðherra, blæs á sögusagnir þess efnis að hún hafi farið í áfengismeðferð í byrjun sumars. Hún viðurkennir í samtali við Vísi að hún hafi sjálf heyrt kjaftasögur þess efnis, en að hún hafi aldrei farið á Vog enda skáli hún í sínum kokteil hvenær sem henni detti það í hug.

Innlent
Fréttamynd

Fylgjendafjöldi Krist­rúnar fimm­faldast

Kristrún Frostadóttir vakti greinilega athygli heimamanna á leiðtogafundi Atlantshafsbandalagsins í Tyrklandi í vikunni. Fylgjendafjöldi hennar á Instagram hefur fimmfaldast og farið úr 20 þúsundum í rúm 107 þúsund á fjórum dögum. Nýju fylgjendurnir virðast flestir vera Tyrkir og hafa færslur Kristrúnar fyllst af tyrkneskum ummælum.

Lífið
Fréttamynd

„Mikið hitaefni en þessi texti á að vera hlut­laus“

Nýr vefur sem á að auðvelda kjósendum lífið í aðdraganda kosninga um aðildarviðræður við Evrópusambandið hefur litið dagsins ljós. Formaður landskjörstjórnar segir hlutlausar upplýsingar mikilvægar þegar um jafn mikið hitamál sé að ræða. 

Innlent
Fréttamynd

ESB-deilan harðnar eftir um­mæli er­lendra ráða­manna

Hart var tekist á um Evrópusambandið, sjávarútveg og mögulegar sérlausnir Íslands í aðildarviðræðum þegar Guðlaugur Þór Þórðarson, þingmaður Sjálfstæðisflokksins og fyrrverandi utanríkisráðherra, og Dagbjört Hákonardóttir, þingmaður Samfylkingarinnar sem á sæti í utanríkismálanefnd, ræddu málið í Reykjavík síðdegis í dag.

Innlent

Mest lesið