Um hundrað manns dvelja í Grinda­vík

Vegna vonskuveðurs um allt land varar Úlfar Lúðvíksson, lögreglustjóri á Suðurnesjum, varað fólk við að vera á ferð í og við Grindavík. Engin hætta er á að flóttaleiðir úr bænum lokist, eins og er.

Undanfarið hafa um hundrað manns dvalið í bænum í um fjörutíu húsum.

„Ef við horfum á daginn í dag og helgina þá verður fámennt inni í Grindavík. Atvinnustarfsemi liggur þar niðri. Ég geri ráð fyrir að þessir hörðu víkingar dvelji áfram í sínum húsum, í um það bil 40 húsum,“ segir Úlfar.

Hættustigi var lýst yfir í gær á svæðinu vegna aukinna líkna á eldgosi á svæðinu. 

„Við höfum aukið viðbúnað með því að fara af óvissustigi yfir á hættustig. Í því felst viðbúnaður hjá Almannavarnadeild ríkislögreglustjóra og lögreglustjóraembættinu og eins Vegagerðinni. Þannig að slökkviliðið er núna með sólarhringsviðveru í bænum og lögregla,“ segir Úlfar.