Baldvin var nýbúinn að setja Íslandsmet upp á 7:45,13 en hljóp í dag á 7:39,94 sem er bæting um 5,19 sekúndur.
Lágmarkið inn á EM er 7:43,00, mótið fer fram í Apeldoorn í Hollandi 6. - 9. mars næstkomandi.
Baldvin er einn af níu íslenskum keppendum á NM, sem fer fram í Espoo í Finnlandi. Ísland teflir fram sameiginlegu liði með Danmörku gegn liðum frá Finnlandi, Svíþjóð og Noregi.
Nánari upplýsingar um mótið má finna hjá Frjálsíþróttasambandi Íslands.