Viðskipti innlent

Jón kaupir Sigurð Gísla út úr IKEA

Árni Sæberg skrifar
Verslun IKEA að Kauptúni 4 í Garðabæ.
Verslun IKEA að Kauptúni 4 í Garðabæ. Vísir/Vilhelm

Jón Pálmason hefur keypt helmingshlut Sigurðar Gísla Pálmasonar, bróður hans, í Miklatorgi hf., sem rekur IKEA hér á landi.

Þetta kemur fram í fyrirtækjaskrá Ríkisskattstjóra en Viðskiptablaðið greindi fyrst frá og hefur fengið staðfest að Jón sé nú eini eigandi IKEA á Íslandi.

Hafa staðið í stórræðum

Þeir bræður hafa rekið IKEA hér á landi saman um árabil en faðir þeirra, Pálmi Jónsson, sem kenndur er við Hagkaup, stofnaði fyrstu verslun IKEA hér á landi árið 1981. Þeir ráku einnig IKEA í Eystrasaltslöndunum frá árinu 2010 þangað til í fyrra.

Greiddu vel rúman milljarð í arð

Samkvæmt ársreikningi Miklatorgs hf. vegna rekstrarársins september 2023 til ágúst 2024 námu rekstrartekjur þess 15 milljörðum króna. Hagnaður hafi numið rétt rúmlega einum milljarði. Eigið fé í lok ágúst í fyrra hafi numið 1,5 milljörðum króna.

Jón og Sigurður Gísli ásamt þáverandi umhverfisráðherra þegar íbúðir IKEA í Urriðaholti fengu Svansvottun fyrir nokkrum árum.Urriðaholt

Stjórn félagsins lagði til að arður yrði greiddur til hluthafanna tveggja að fjárhæð 1,3 milljörðum króna.

IKEA Kaup og sala fyrirtækja Garðabær


Mest lesið


Fleiri fréttir

Sjá meira


×

Mest lesið