Vísa kjara­deilunni til ríkissátta­semjara

Frá þessu er greint í tilkynningu frá Rafiðnaðarsambandi Íslands, en þar segir að kjarasamningar félaganna við Alcoa hafi losnað 1. mars síðastliðinn, en samningsviðræður hafi staðið yfir síðan í desember án árangurs.

Ákvörðun um að vísa deilunni til ríkissáttasemjara hafi verið tekin 3. apríl, „eftir að ljóst varð að samningsvilji fyrirtækisins reyndist ekki í samræmi við þá alvöru og ábyrgð sem af slíkum viðræðum ætti að stafa,“ eins og segir í tilkynningu Rafiðnaðarsambandsins.

Í tilkynningu er jafnframt greint frá því að Ragnar G. Gunnarsson hafi verið kjörinn formaður Félags tæknifólks, en félagið er eitt af aðildarfélögum Rafiðnaðarsambandsins.

Forveri Ragnars, Jakob Tryggvason, var kjörinn formaður Rafiðnaðarsambandsins í febrúar.