Inn­kalla kjúk­ling vegna gruns um salmonellu

Í tilkynningu á vef MAST segir að fyrirtækið hafi innkallað vöruna af markaði í varúðarskyni. Einungis sé verðið að innkalla eftirfarandi framleiðslulotu:

Vörumerki: Ali, Bónus

Framleiðandi: Matfugl ehf, Völuteigi 2, 270 Mosfellsbæ

Lotunúmer: 011-25-13-3-68 (heill kjúklingur, bringur, lundir, lærakjöt, bitar, kryddlegnir leggir og heill fugl), pökkunardagur 28.04.2025 – 30.04.2025

Dreifing: Bónusverslanir, Krónuverslanir, Kauptún

Fram kemur að hægt sé að skila í verslun eða til Matfugls ehf. til að fá endurgreitt. Mjög mikilvægt sé að gegnhita kjúkling við matreiðslu en þá er kjötsafinn í þykkasta bitanum orðinn tær og steikingahitamælir sýnir a.m.k. 75°C.