Enn unnið að því að ná dráttar­vélinni upp eftir al­var­legt slys í Hvít­á

Það var rétt fyrir klukkan sex í gærkvöldi sem lögreglu barst tilkynning um slys í Hvítá þar sem dráttarvél hafði lent í ánni. Tvær þyrlur Landhelgisgæslunnar voru kallaðar til, en um alvarlegt slys var að ræða og var einn einstaklingur fluttur með þyrlu til Reykjavíkur.

Sveinn Kristján Rúnarsson er yfirlögregluþjónn hjá Lögreglunni á Suðurlandi.

„Eins og kom fram í gær þá fór þarna dráttarvél fram af bakka og hafnaði í ánni og einn einstaklingur sem að var í dráttarvélinni sem að fannst nú fljótt. Það eru áframhaldandi aðgerðir í dag við að ná dráttarvélinni upp úr, og unnið að því núna og verður unnið að því eitthvað fram eftir degi,“ segir Sveinn.

Aðgerðir á vettvangi slyssins í gær voru umfangsmiklar en fjölmennt lið viðbragðsaðila tók þátt í björgunarstarfi á vettvangi.

„Það var töluverður fjöldi viðgragðsaðila sem kom þarna að í gærkvöldi og vann fram á kvöld og svo var haldið áfram í morgun. Það eru að vísu miklu færri, það eru aðallega verktakar sem eru að aðstoða okkur við að ná dráttarvélinni upp úr ánni,“ segir Sveinn Kristján.