Lífið

Berg­þór Más­son selur slotið á ný

Silja Rún Sigurbjörnsdóttir skrifar
Bergþór Másson er annar hlaðvarpsstjórnandi hlaðvarpsins Skoðanabræður.
Bergþór Másson er annar hlaðvarpsstjórnandi hlaðvarpsins Skoðanabræður. Samsett

Hlaðvarpsstjórnandinn Bergþór Másson hefur sett íbúð sína við Hverfsigötu á sölu. Er þetta í annað sinn sem íbúðin er sett á sölu.

Um er að ræða 33 fermetra stúdíóíbúð á fjórðu hæð í hjarta miðborgarinnar. Ásett verð fyrir eignina er 44.900.000 krónur. Íbúðin er í nýstárlegri byggingu frá árinu 2019 og er staðsett á svokölluðum Brynjureit.

Bergþór virðist fyrst hafa reynt að selja íbúðina árið 2023 en snerist hugur af einhverjum ástæðum. Nú er íbúðin aftur til sölu og auglýsir Bergþór hana á TikTok reikningnum sínum.

„Hún er ódýr, bókstaflega á besta stað í bænum og byggingin er glæný,“ segir Bergþór í myndskeiðinu.

@bm1995amorfati hin fullkomna stúdíóíbúð á Hverfisgötu - stutt í Sundhöllina, Bónus, djammið, allt! hátt til lofts, svalir með útsýni þar sem hægt er að grilla, vel hljóðeinangrað þannig það er alltaf hægt að blasta músík - og góð orka í veggjunum hin fullkomna fyrsta fasteign 💫 + léttast í heiminum að leigja út/Airbnb-a Pálsson fasteignasala er að selja hana fyrir mig - opið hús á þriðjudaginn 3. júní 12:15 - 44.900.000 gjöf en ekki gjald #fyrirþig #fasteignir #fasteignasala #fyp ♬ Porcelain (Moby's Version) - Moby

Nánari upplýsingar um eigina má finna á fasteignavef Vísis.

Hús og heimili Fasteignamarkaður Reykjavík


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.