Enski boltinn

Hóta Abramovich lög­sókn og vilja láta Úkraínu fá Chelsea peninginn

Ágúst Orri Arnarson skrifar
Auðjöfurinn rússneski, Roman Abramovich, var þvingaður til að selja Chelsea árið 2022. 
Auðjöfurinn rússneski, Roman Abramovich, var þvingaður til að selja Chelsea árið 2022.  AP/Matt Dunham

Breska ríkisstjórnin hefur hótað Roman Abramovic lögsókn ef hann er ekki tilbúinn að láta peninginn sem fékkst fyrir þvingaða sölu á knattspyrnufélaginu Chelsea árið 2022 til Úkraínu. Um er að ræða tvo og hálfan milljarð punda sem sitja á frystum bankareikningi. Abramovich vill að peningarnir fari til allra fórnarlamba stríðsins milli Rússlands og Úkraínu.

„Okkar dyr standa opnar fyrir áframhaldandi viðræðum, en við erum tilbúin að fara með málið fyrir dómstóla“ segir í sameiginlegri yfirlýsingu utanríkisráðherrans David Lammy og embættismannsins Rachel Reeves.

Þar er því lýst yfir að peningarnir skuli renna óskertir til fórnarlamba stríðsins í Úkraínu, eftir að Rússland réðst inn í landið í febrúar 2022. Abramovich var á þeim tíma lýst sem „ólígarka sem styður Kreml.“

Úkraínumaðurinn Mykhailo Mudryk var keyptur til Chelsea árið 2023.Mike Hewitt/Getty Images

Chelsea var selt til Bandaríkjamannsins Todd Boehly í maí 2022 en Abramovich mátti ekki græða sjálfur á sölunni. Síðan þá hafa lögfræðingar hans rifist við bresku ríkisstjórnina um hvernig fénu yrði úthlutað en nú gæti málið farið fyrir dómstóla.

Enski boltinn

Mest lesið


Fleiri fréttir

Sjá meira


×

Mest lesið