Segist ekki vilja taka tíuna hjá Liverpool af Mac Allister

Liverpool hefur boðið metupphæð í Wirtz en félögin hafa verið í viðræðum undanfarnar vikur.

Wirtz sjálfur hefur ýjað að því að hann sé á förum til Liverpool sem og að lýsa því yfir að það sé hans óskafélag.

Wirtz taldi sig líka þurfa að koma fram og neita þeim fréttaflutningi að hann sækist eftir því að fá tíuna hjá Liverpool.

Argentínski miðjumaðurinn Alexis Mac Allister spilar í tíunni og hefði þá þurft að gefa hana eftir. Wirtz kom á samfélagsmiðla og sagði ekkert til í þessum fréttum

„Hver segir að ég vilji tíunda? Ég ber virðingu fyrir leikmönnum,“ skrifaði Florian Wirtz.

Í fyrstu var búist við því að Florian Wirtz yrði áfram hjá Lererkusen eða færi til Bayern München en hann vill endilega komast til Liverpool.

Joshua Kimmich, fyrirliði þýska landsliðsins, er með Wirtz í landsliðinu og tjáði sig um væntanlega félagsskipti.

„Hann hefur sínar ástæður fyrir að taka þessa ákvörðun. Ég vona að þetta sé rétta leiðin fyrir hann. Sem leikmaður Bayern þá vildi ég auðvitað sjá hann koma til okkar,“ sagði Kimmich.

Wirtz er með 57 mörk og 67 stoðsendingar í 197 leikjum með Bayer Leverkusen.