Menning

Frægasti ástarþríhyrningur sögunnar fær nýtt líf

Svava Marín Óskarsdóttir skrifar
Hafstein Níelsson og Ólíver Þorsteinsson, höfundar verksins.
Hafstein Níelsson og Ólíver Þorsteinsson, höfundar verksins.

Gísli Örn Garðarsson, leikari og leikstjóri, mun leikstýra nýjum íslenskum söngleik sem byggir á Gunnlaugs sögu Ormstungu. Verkið verður frumsýnt á stóra sviði Þjóðleikhússins á næsta leikári og fjallar um hinn fræga ástarþríhyrning Gunnlaugs, Hrafns og Helgu hinnar fögru.

Í tilkynningu frá Þjóðleikhúsinu kemur fram að höfundar verksins séu Hafsteinn Níelsson og Ólíver Þorsteinsson. Uppsetningin var lokaverkefni Hafsteins á öðru ári sviðslistabrautar Listaháskóla Íslands. Síðastliðið ár hafa þeir unnið að frekari þróun verksins í samstarfi við Gísla Örn og tónlistarmannsins Jóhann Damian R. Patreksson, betur þekktan sem JóaPé, sem fer með hlutverk tónlistarstjóra og meðhöfundar tónlistarinnar.

Í burðarhlutverkum sýningarinnar verða Jakob von Oosterhout, Rán Ragnarsdóttir og Kristinn Óli Haraldsson, Króli. Með önnur hlutverk fara Almar Blær Sigurjónsson, Atli Rafn Sigurðarson, Birta Sólveig Söring Þórisdóttir, Edda Arnljótsdóttir, Eygló Hilmarsdóttir, Guðjón Davíð Karlsson, Hallgrímur Ólafsson, Ilmur Kristjánsdóttir, Kjartan Darri Kristjánsson, Oddur Júlíusson, Ólafía Hrönn Jónsdóttir, Pálmi Gestsson, Selma Rán Lima, Sigurbjartur Sturla Atlason, Steinunn Ólína Þorsteinsdóttir, Örn Árnason.

Frá vinstri: Gísli Örn Garðarsson leikstjóri, Atli Rafn Sigurðsson, Oddur Júlíusson, Selma Rán Lima, Pálmi Gestsson, Ilmur Kristjánsdóttir, Guðjón Davíð Karlsson, Hallgrímur Ólafsson, Jóhannes Damian R. Patreksson, Jakob van Oosterhout, Nick Candy, Almar Blær Sigurjónsson, Rán Ragnarsdóttir, Edda Arnljótsdóttir, Birta Sölveig Söring, Sigurbjartur Sturla Atlason, Örn Árnason, Eygló Hilmarsdóttir og Kjartan Darri Kristjánsson
Leikhús Menning Þjóðleikhúsið


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.