„Full­komin við­bót“ hjá Selmu og Sölva

„Fullkomin viðbót. Hlökkum svo til að fá þig í fangið í desember,“ skrifar parið við færsluna.

Fyrir eiga þau dótturina Andreu Myrk, fædda 2020, og soninn Anton Haka, fæddan 2022. Þá á Sölvi einnig tvo drengi úr fyrra sambandi.

Selma varð bikarmeistari með Víkingi ári eftir að hún eignaðist þeirra annað barn. Hún hefur leikið þrjá leiki í Bestu deildinni í sumar og mun ekki spila meira á tímabilinu.

Sölvi lagði skóna á hilluna eftir tímabilið 2021 eftir að hafa orðið bæði Íslands- og bikarmeistari með Víkingum.

Hann hóf atvinnumannaferilinn með sænska Djurgården árið 2004 og lék síðar með dönsku liðunum SønderjyskE og FC København, Ural í Rússlandi og kínversku félögunum Jiangsu Sainty og Wuhan Zall. Eftir farsælan feril erlendis sneri hann aftur til Íslands og lék síðustu árin með uppeldisfélagi sínu, Víkingi.