Innlent

Jarð­skjálfti fannst á höfuð­borgar­svæðinu

Rafn Ágúst Ragnarsson skrifar
Skjálftin átti upptök sín á Reykjanesi.
Skjálftin átti upptök sín á Reykjanesi. Vísir/Vilhelm

Jarðskjálfti fannst á höfuðborgarsvæðinu rétt í þessu. Náttúruvársérfræðingur er að skoða málið en enn er verið að vinna úr gögnum. Hann var 3,4 að stærð.

Upptök hans eru á Krýsuvíkursvæðinu samkvæmt Veðurstofunni, um fjóra kílómetra norður af Krýsuvík nánar tiltekið. Verið er að vinna úr gögnum. Hann reið yfir klukkan 22:26 í kvöld.

Uppfært 22:43: Samkvæmt nýjustu mælingum var hann 3,4 að stærð. Hann var stærri en fyrstu tölur gáfu til kynna en hann var 2,8 í fyrstu mælingu.

Uppfært 23:07: Skjálftinn átti upptök sín í Móhálsadal vestan Krýsuvíkur. Honum hafa fylgt rúmlega tuttugu eftirskjálftar og eru þeir á um tveggja til sex kílómetra dýpi. Tilkynningar hafa borist Veðurstofu um að skjálftans hafi orðið vart víða á Reykjanesi og á höfuðborgarsvæðinu. Síðast varð skjálfti á svipaðri stærðargráðu á svæðinu þann níunda mars síðastliðinn og mældist hann 3,6 að stærð.

Eldgos og jarðhræringar Reykjavík Hafnarfjörður

Mest lesið


Fleiri fréttir

Sjá meira


×

Mest lesið