Réðst á ein­stak­ling á sjö­tugs­aldri með hníf

Í tilkynningu lögreglunnar um helgina kom fram að einn einstaklingur hafi verið handtekinn vegna alvarlegrar líkamsárásar í Reykjanesbæ rétt fyrir miðnætti á laugardagskvöld. Brotaþoli var sagður með alvarlega stunguáverka, en hann var fluttur á sjúkrahús í Reykjavík. 

Í svari Nönnu Lindar Stefánsdóttir, aðstoðaryfirlögregluþjóns hjá lögreglunni á Suðurnesjum, við fyrirspurn fréttastofu, segir að um sé að ræða einstakling á þrítugsaldri sem hafi ráðist á mann á sjötugsaldri með hníf. Líðan brotaþola sé stöðug. 

Árásarmaðurinn var úrskurðaður í gæsluvarðhald af Héraðsdómi Reykjaness rétt eftir hádegi á sunnudag og liggur nú fyrir að það sé vikulangt, eða til föstudagsins 27. júní.

„Árásaraðili fannst á höfuðborgarsvæðinu, ekki er unnt að til greina hvar nánar eins og er,“ segir í svari Nönnu Lindar.

„Rannsókn málsins miðar vel áfram en ekki er hægt að greina frá nánari upplýsingum um málið að svo stöddu.“