Sumarleg og saðsöm salöt

Anna Guðný er eigandi vefsíðunnar Heilsa og vellíðan þar sem hún deilir ýmsum uppskriftum og heilráðum en hér má finna nokkrar skemmtilegar uppskriftir: 

Sumarsalat

• 1 haus lambhagasalat
• 10 kirsuberjatómatar
• 1 gul paprika
• ½ gúrka
• 4 litlar sætar kartöflur (bakaðar í ofni á 180°C)
• 1 msk smátt skorin rauðlaukur
• 1 avocado
• ½ mangó

Salatdressing

• 2 dl lífr. Kasjúhnetur
• 2,5 dl vatn
• 1 daðla
• 1 tsk sítrónusafi
• 1 tsk lífrænt dijon sinnep
• ¼ tsk sítrónubörkur
• ½ tsk túrmerikduft
• Salt + pipar

Hráefnin fara í blandara og öllu blandað saman þar til silkimjúkt. Sósan geymist í 2-3 daga í loftþéttri krukku í kæli.

Kartöflusalat

• 13 meðalstórar íslenskar kartöflur sem búið er að sjóða
• 3 msk smátt skorinn rauðlaukur
• ½ rauð paprika
• 5 döðlur
• 5 msk grænar ólífur
• 1 lúka spínatkál
• 1 krukka rautt pestó frá t.d. Rapunzel
• Svartur pipar

Byrjaðu á því að sjóða kartöflurnar og kældu þær svo. Þú ræður hvort þú takir hýðið af þeim eða ekki. Rauðlaukur, paprika, döðlur og ólífur er svo skorið smátt niður. Kartöflurnar eru skornar niður í grófa bita. Pestói, spínatkáli og pipar er svo bætt saman við.