Fótbolti

Mikael mættur til Stokk­hólms að semja við Djurgården

Ágúst Orri Arnarson skrifar
Mikael Neville virðist vera á leiðinni til Djurgården. 
Mikael Neville virðist vera á leiðinni til Djurgården.  Catherine Ivill - AMA/Getty Images

Mikael Neville Anderson, landsliðsmaður í fótbolta og leikmaður AGF í Danmörku, flaug til Stokkhólms í gær og er sagður ætla að semja við sænska félagið Djurgården.

Lesandi Expressen náði mynd af Mikael þegar hann lenti á Arlanda flugvellinum í Stokkhólmi í gærkvöldi.

Mikael náðist á mynd á Arlanda flugvellinum í gærkvöldi.expressen

Þar segir að Mikael sé að ganga frá samningi við Djurgården og eigi eftir að gangast undir læknisskoðun. Hann verði keyptur frá AGF fyrir rúmar tvær milljónir evra, eða um 285 milljónir íslenskra króna.

Mikael hefur verið lykilleikmaður í Árósum undanfarin ár, alls spilað 121 leik fyrir AGF, skorað 18 mörk og lagt upp jafnmörg. Þar áður var hann hjá Midtjylland og Vendsyssel í Danmörku og Excelsior Rotterdam í Niðurlöndum.

Mikael í leik með AGF. Ulrik Pedersen/DeFodi Images via Getty Images

Mikael á 33 landsleiki að baki fyrir Íslands hönd og kom við sögu í báðum leikjunum gegn Skotlandi og Norður-Írlandi í upphafi mánaðar.

Djurgården situr um miðja deild í Svíþjóð þegar mótið er tæplega hálfnað, í níunda sæti eftir tólf umferðir.

Sænski boltinn

Mest lesið


Fleiri fréttir

Sjá meira


×

Mest lesið