Þrenna á föstu­dagskvöldi og háskóla­gráða á laugar­degi

Kristófer Ingi kom inn á sem varamaður á 67. mínútu á föstudagskvöldið þegar Blikar voru 1-0 undir á útivelli á móti Stjörnunni í mikilvægum leik í Bestu deild karla í fótbolta.

Kristófer jafnaði metin eftir aðeins tvær mínútur, kom Blikum yfir sjö mínútum síðar og var síðan kominn með þrennu eftir aðeins átján mínútur.

Blikar unnu leikinn á endanum 4-1 og náðu Víkingum að stigum á toppnum.

Helgin byrjaði því mjög vel hjá Kristófer en hún átti bara eftir að verða enn betri.

Kristófer útskrifaðist í gær úr Háskólanum á Akureyri. Hann birti mynd af sér með prófskírteinið

Kristófer var að klára BSc-próf í viðskiptafræði.

Sérstaða viðskiptafræði við Háskólann á Akureyri felst í sveigjanleikanum en þú getur valið hvort þú stunda námið á Akureyri eða í fjarnámi. Allir hefðbundnir fyrirlestrar eru teknir upp og aðgengilegir á kennsluvef háskólans.

Það kom sér vel fyrir Kristófer sem er búsettir á höfuðborgarsvæðinu.

Vísir óskar Kristófer til hamingju með prófgráðuna og eftirminnilega helgi.