Fótbolti

FH leysir loks úr markmannsmálunum

Ágúst Orri Arnarson skrifar
Macy hefur varið mark Iowa háskólans undanfarin fjögur ár og fékk aðeins tólf mörk á sig í tuttugu leikjum á síðasta tímabili.
Macy hefur varið mark Iowa háskólans undanfarin fjögur ár og fékk aðeins tólf mörk á sig í tuttugu leikjum á síðasta tímabili. Iowa Hawkeyes

FH hefur fengið bandarískan markmann til að spila með liðinu það sem eftir lifir tímabils. Macy Elizabeth Enneking mun berjast um markmannsstöðuna við Söndru Sigurðardóttur, sem tók hanskana af hillunni til að hjálpa FH þegar aðalmarkmaðurinn Aldís Guðlaugsdóttir meiddist.

FH staðfesti komu Macy á miðlum félagsins en hún er þriðji leikmaðurinn sem slæst til liðs við FH eftir að félagaskiptaglugginn opnaði.

Sóknarmaðurinn Thelma Lóa Hermannsdóttir og miðjumaðurinn Andrea Rán Hauksdóttir Snæfeld hafa einnig skrifað undir samning við FH.

En FH þurfti mest á markmanni að halda, þó það væri ekki nema bara til að sitja á bekknum.

Sandra Sigurðardóttir hefur staðið vaktina síðan Aldís Guðlaugsdóttir meiddist en FH hefur verið án varamarkmanns.

Sandra hefur staðið sig vel í sumar og verður enn til taks en Macy mun væntanlega gera tilkall til stöðunnar.

Macy er komin með leikheimild og verður lögleg í leik FH gegn Fram á Kaplakrikavelli í kvöld. Leikurinn hefst klukkan sex og verður í beinni útsendingu á Sýn Sport Ísland. 

FH

Tengdar fréttir

Sandra tekur „rykugu hanskana af hillunni“ til hjálpar FH

Sandra Sigurðardóttir, landsliðsmarkvörður til margra ára, hefur tekið hanskana af hillunni til hjálpar FH og mun spila með liðinu í leiknum gegn Breiðablik á morgun. Sandra leysir af aðalmarkvörðinn Aldísi Guðlaugsdóttur, sem sleit krossband um síðustu helgi.

„Mjög ryðguð en furðu fljótt fór rykið af mér“

Fyrrverandi landsliðsmarkvörðurinn Sandra Sigurðardóttir tók hanskana fram á nýjan leik eftir að Aldís Guðlaugsdóttir, markvörður FH, sleit krossband á dögunum. Hún kann vel við sig í Kaplakrikanum og hefur staðið sig vel á tímabilinu.

Mest lesið


Fleiri fréttir

Sjá meira


×

Mest lesið