Khalil Shabazz til Grinda­víkur

Á síðasta tímabili lék Shabazz með Njarðvík. Hann lék 21 af 22 leikjum liðsins í Bónus deildinni og var með 21,3 stig, 4,4 fráköst, 5,1 stoðsendingu og 2,5 stolna bolta að meðaltali.

Shabazz hitti úr 54 prósent skota sinna inni í teig, 38,5 prósent úr þriggja stiga skotum og vítanýting hans var 80,2 prósent. Njarðvík endaði í 3. sæti Bónus deildarinnar en tapaði, 3-1, fyrir Álftanesi í átta liða úrslitum úrslitakeppninnar.

Grindavík lenti í 5. sæti og komst í undanúrslit þar sem liðið féll úr leik fyrir Stjörnunni, 3-2.

Áður en hinn 27 ára Shabazz kom til Íslands lék hann í Tyrklandi.