Haukur Helgi meiddur og Almar kallaður inn í hópinn

Hópurinn var tilkynntur í gær og þar var Haukur einn af tólf leikmönnum, en Almar hafði dottið út úr þrettán manna hópnum sem fór í æfingaferðina til Portúgal.

Almar hefur nú verið kallaður aftur inn í hópinn og missti væntanlega ekki af meira en einni eða tveimur æfingum. Hann er uppalinn KR-ingur og þykir einn efnilegasti körfuboltamaður landsins, rétt rúmlega tvítugur og mun spila með Miami University í bandaríska háskólaboltanum.

Landsliðið heldur utan næsta fimmtudaginn, til Vilnius í Litáen. Þar spila strákarnir okkar við heimamenn á föstudag, í síðasta æfingaleik fyrir Evrópumótið.

Í kjölfarið verður haldið til Katowice í Póllandi þar sem allir fimm leikir Íslands í riðlakeppni mótsins fara fram. Fyrsti leikur er við Ísrael fimmtudaginn 28. ágúst.