Rekstur Árborgar já­kvæður og bæjar­stjóri fagnar

Þá segir að það sé mikilvægur áfangi að afkoma A- og B-hluta í sex mánaða uppgjörinu sé jákvæð um 352 milljónir króna. Það sem hafi haft áhrif á það sé rekstrarhagræðing, minniskuldsetning og auknar tekjur í formi sölu byggingarréttar, íbúafjölgunar og álags á útsvarið árið 2024. Ákveðið var í september árið 2024 að setja auka álag á útsvar sveitarfélagsins vegna slæmrar skuldastöðu. Álagið var svo afnumið á þessu ári, fyrr en áætlað hafði verið.

„Við fögnum árangrinum sem er samstarfsverkefni kjörinna fulltrúa, starfsmanna og íbúa. Mikilvægt er að halda áfram á þessari braut og tryggja ábyrgan rekstur sveitarfélagsins. Þessi jákvæða niðurstaða skapar þann grunn sem við höfum talað fyrir til þess að geta lækkað álögur á íbúa. Því íbúar eiga að njóta árangursins,“ er haft eftir Braga Bjarnasyni, bæjarstjóra Árborgar, í tilkynningunni.

Þar segir að lokum að fram undan séu hjá bænum áframhaldandi áskoranir við að gera grunnrekstur sveitarfélagsins, svokallaðan A-hluta, sjálfbæran á næstu árum. Þau hafi náð miklum árangri en sveitarfélagið sé staðráðið að gera enn betur.