Donni með skotsýningu

Donni skoraði tólf mörk úr fimmtán skotum og gaf auk þess fjórar stoðsendingar. Hann var langmarkahæstur á vellinum.

Guðmundur Bragi Ástþórsson skoraði fimm mörk fyrir Ringsted sem er í þrettánda og næstneðsta sæti deildarinnar með fimm stig.

Skanderborg er aftur á móti í 3. sætinu með tólf stig en liðið hefur unnið sex af fyrstu átta deildarleikjum sínum.

Donni er níundi markahæsti leikmaður dönsku deildarinnar með 45 mörk.

Ágúst Elí Björgvinsson lék ekki með Álaborg sem rúllaði yfir Fredericia, 38-20. Álaborg er með þriggja stiga forskot á toppi deildarinnar.