Sigur­vegari Euro­vision skilar bikarnum

Nemo sigraði keppnina fyrir hönd Sviss með laginu The Code og fékk fyrir það bikar keppninnar og var keppnin haldin í Basel í ár. Fimm lönd þar á meðal Ísland, hafa tilkynnt að þau verði ekki með vegna þátttöku Ísrael í keppninni.

„Á síðasta ári vann ég Eurovision og fyrir það fékk ég bikar í verðlaun. Og jafnvel þó ég sé ákaflega þakklátt samfélaginu í kringum þessa keppni og allt það sem lífsreynslan hefur kennt mér sem manneskju og listamanni, þá finnst mér þessi bikar ekki eiga heima á minni hillu í dag,“ skrifar listamaðurinn.

Hán vísar til þess að keppnin segist standa fyrir sameiningu og virðingu fyrir öllum. Þau gildi hafi gefið keppninni merkingu. Áframhaldandi þátttaka Ísrael í keppninni á meðan nefnd á vegum Sameinuðu þjóðanna hafi úrskurðað um þjóðarmorð sýni að þau gildi gangi í berhögg við gildi keppninnar og ákvarðanir Sambands evrópskra sjónvarpsstöðva.