„Allir virðast elska hann“

Rooney sér Rice fyrir sér sem framtíðarfyrirliða enska landsliðsins.

Rooney, sem var sjálfur fyrirliði Englands í þrjú ár frá 2014 til 2017, var á Hill Dickinson-leikvanginum til að sjá lið Mikel Arteta tryggja sér nauman 1-0 sigur á laugardagskvöldið.

Rice, sem hefur spilað 72 A-landsleiki á ferlinum, hefur borið fyrirliðabandið tvisvar áður í fjarveru núverandi fyrirliða, Harry Kane. Það var í 2-2 jafntefli gegn Belgíu í mars 2024 og í 3-0 sigri á Wales í október á þessu ári.

„Fyrir mér er hann sá sem er líklega að bíða eftir að Harry leggi skóna á hilluna einhvern tímann,“ sagði Wayne Rooney í nýjasta þætti The Wayne Rooney Show á BBC Sport.

„Hann var út um allan völl [gegn Everton]. Ákvarðanatakan hans, hvenær átti að senda boltann, hvert átti að senda hann, á hvorn fótinn átti að senda hann og smáatriðin í sendingunum hans. Það var unun að horfa á. Hann var algjörlega ótrúlegur,“ sagði Rooney.

„Hann var að taka boltann af miðvörðum Arsenal, spila sem þriðji miðvörðurinn, og á næstu mínútu var hann kominn inn í teig að reyna að skora mark. Stundum er sumt af því sem hann gerir svolítið vanmetið,“ sagði Rooney.

„Hann er rétti maðurinn til að taka við af [Kane] að mínu mati, vegna drifkrafts hans og persónuleika hans. Allir virðast elska hann, þeir sem þekkja hann, þeir sem eru honum nánir. Hann er óbætanlegur fyrir England,“ sagði Rooney.