Heyra ekkert í Harry og Meghan

Það er breska blaðið The Times sem fullyrðir þetta og hefur meðal annars eftir ónafngreindu vinafólki hjónanna. Líkt og fram hefur komið er Katrín nú í krabbameinsmeðferð en samkvæmt frétt miðilsins er hún við góða heilsu og gengur vel.

„Harry Bretaprins er ekki í neinum samskiptum við Vilhjálm. Eftir að hann hefur ítrekað skotið á bróður sinn og mágkonu þá kemur það lítið á óvart að Vilhjálmur og Katrín vilji frekar einbeita sér að því að ala upp fjölskyldu,“ segir í greininni þar sem kafað er á dýptina.

Fullyrt er að prinsessan verði hin fullkomna drottning og haft eftir starfsfólki hallarinnar að hún muni leggja sig fram við að hlusta á fólk. „Ef Katrín hefur lært eitthvað af því að greinast með krabbamein þá er það það að lífið er alltof stutt til þess að staldra við Harry.“

Fram kemur í frétt breska götublaðsins Daily Mail að fjármunir til lífvarða og lögreglugæslu til handa Harry þegar hann kemur í heimsókn til Bretlands frá Kaliforníu verði metnir af fjárlaganefnd í janúar. Fjármunir hafa verið frystir og hefur Harry ekki treyst sér til Bretlands á meðan.