Handbolti

Miðar á leikina í milliriðlinum rjúka út

Ágúst Orri Arnarson skrifar
Stuðningsmenn íslenska landsliðsins hafa fjölmennt á mótið og nú er förinni heitið til Malmö. 
Stuðningsmenn íslenska landsliðsins hafa fjölmennt á mótið og nú er förinni heitið til Malmö.  EPA

Ísland tekur tvö stig með sér í milliriðlakeppnina á EM, eftir sigurinn gegn Ungverjalandi í gær. Milliriðillinn verður spilaður í Malmö og búist er við því að miðar á leiki Íslands seljist hratt upp.

HSÍ sendi frá sér tilkynningu seint í gærkvöldi þar sem stuðningsmenn íslenska landsliðsins voru hvattir til að tryggja sér miða sem fyrst, ætli þeir sér að fara á leikinn.

Tilkynningu HSÍ má finna hér en öll miðasala fer fram hér í gegnum mótshaldara.

Stefnan er auðvitað að íslenskir stuðningsmenn sitji á sama svæði og myndi þannig bláa hafið fræga. Hlekkurinn hér fyrir ofan leiðir stuðningsmenn á réttan stað í stúkunni.

Ísland mun spila fjóra leiki í milliriðlinum en leiktímarnir verða ekki ljósir fyrr en riðlakeppninni lýkur í kvöld.

Leikir Íslands í milliriðli:

Föstudagur, 23. janúar gegn Svíþjóð/Króatíu

Sunnudagur, 25. janúar gegn Svíþjóð/Króatíu

Þriðjudagur, 27. janúar gegn Sviss

Miðvikudagur, 28. janúar gegn Slóveníu

Óvíst er klukkan hvað leikirnir munu fara fram.

Landslið karla í handbolta EM karla í handbolta 2026

Tengdar fréttir

Vitum ekki um tvo fyrstu mótherjana fyrr en annað kvöld

Íslenska karlalandsliðið í handbolta fer með tvö stig í milliriðilinn á EM í handbolta og fyrsti leikurinn þar er á föstudaginn. Það er ljóst eftir frábæran sigur á Ungverjum í kvöld en við vitum þó ekki enn hver mótherjinn verður í þessum fyrsta leik.

Mest lesið


Fleiri fréttir

Sjá meira


×

Mest lesið