Rifjar upp mis­góðar minningar í sölutilkynningunni

Um er að ræða sextíu fermetra tveggja herbergja íbúð í húsi sem var byggt árið 1961. Ásett verð er 55,9 milljónir. Ingunn tilkynnir söluna á Facebook.

„Þarna hafa sko góðar minningar verið skapaðar. Við þetta píanó pikkaði ég upp All too well eftir Taylor Swift og á þessum sófa var mér dömpað á Singles Day,“ segir hún.

Hún segir að í eldhúsinu hafi hún hellt upp á óteljandi kaffibolla fyrir vini og fjölskyldu, svo marga að hún sé hætt að telja. Ingunn segir staðsetninguna líka vera geggjaða.

„Hún er í göngufjarlægð frá mekku menningar og þjónustu (Ríkisútvarpinu og Kringlunni),“ en Ingunn starfar sem fréttakona hjá Rúv.

Hægt er að skoða fasteignina á fasteignavef Vísis.