Handbolti

Veikindi í króatíska hópnum og mark­vörðurinn sat heima

Valur Páll Eiríksson skrifar
Dominik Kuzmanovic var öflugur gegn íslenska liðinu í fyrri leik liðanna í Malmö fyrir viku síðan.
Dominik Kuzmanovic var öflugur gegn íslenska liðinu í fyrri leik liðanna í Malmö fyrir viku síðan. Getty/Sanjin Strukic

Króatískir fjölmiðlar greina frá því að veikindi herji á króatíska landsliðshópinn í handbolta sem mætir Íslandi í leik um bronsið á EM í Herning í dag. Markvörður liðsins hélt sig á hótelinu á meðan liðið fór í leikdagsgöngu.

Handboltasérfræðingurinn Rasmus Boysen vísar í króatíska miðla og segir nokkra í hópi Króata vera að glíma við veikindi.

Markvörðurinn Dominik Kuzmanović, Matej Mandić og Filip Glavaš séu á meðal þeirra sem ýmist hafi verið eða séu lasnir.

Starfsteymi Sýnar og Vísis deilir hóteli með króatíska liðinu í Silkeborg í Danmörku. Athygli vakti að þegar króatíska liðið fór út í hefðbundinn göngutúr á leikdag nú í morgunsárið sat Kuzmanović eftir heima.

Honum hafi greinilega ekki verið treyst út í kuldann vegna téðra veikinda.

Hann slakaði á í andyrri hótelsins og tók á móti liðsfélögum sínum þegar þeir komu inn úr göngunni. Þeir héldu beint á liðsfund með Degi Sigurðssyni, landsliðsþjálfara, fyrir leik dagsins við Ísland.

Ísland og Króatía mætast klukkan 14:15 í dag í leik um bronsið á EM. Teymi Sýnar mun fylgja liðinu áfram eftir hvert fótmál fram að leik.

EM karla í handbolta 2026 Landslið karla í handbolta

Tengdar fréttir

„Bæði lið eru á felgunni“

Það er komið að því. Í dag skýrist hvort strákarnir okkar fara með verðlaun heim frá EM eður ei. Fram undan er leikur gegn Króatíu um bronsverðlaunin.

Mest lesið


Fleiri fréttir

Sjá meira


×

Mest lesið