„Hún er komin til að vera“

Laufey Lín Jónsdóttir hlaut í gærkvöldi sinn annan Grammy-lúður, í þetta sinn fyrir plötuna „A Matter of Time“ en fyrri verðlaunin hlaut hún einmitt 2024 fyrir plötuna „Bewtiched“.

Arnar Eggert Thoroddssen, doktor í tónlistarfræðum og gagnrýnandi rýndi í glæsilegan árangur Laufeyjar í beinni í kvöldfréttatíma Sýnar.

„Það er búið að vera ótrúlegt að fylgjast með þesssu ævintýri,“ sagði Arnar, sem sagði íslensku stjörnuna koma sífellt á óvart.

Hann kvaðst aðeins einu sinni áður séð söngkonu ná slíkum hæðum með því að lífga upp á gamlan stíl, eins og Laufey gerir með djassinn. „Það er Amy Winehouse,“ sagði Arnar Eggert, en í Winehouse sótti mikinn innblástur í sálartónlist frá 7. áratugnum.

„Og það er verið að matreiða þetta ofan í yngri kynslóðir og eldri kynslóðir líka. Þannig að þessar miklu vinsældir koma mér þannig séð á óvart en auðvitað fer hjartað á rás þegar maður sér svona fréttir.“

Arnar svaraði aðspurður að honum fyndist Laufeyju hefði tekist að öðlast varanlegan sess í hópi þeirra bestu.

„Nú eru tvö verðlaun í sama flokki, þannig að fólk getur ekki annað gert en að veita henni athygli. Þetta er ekki einhver einsmellungur. Hún er komin til að vera og næstu ár verða mjög forvitnileg.“

Í þakkarræðu sinni sagði Laufey eiga tónlistar- og listnámi sín allt að þakka. „Við megum ekki skera niður fjárframlög til lista, það er svo mikilvægt,“ sagði Laufey.

Aranar sagði það frábært að Laufey hefði gert listnám að umfjöllunar efni sínu í ræðunni.

„Að hún hafi nýtt þennan vettvang til að undirstrika hvað þetta skiptir miklu máli er frábært,“ sagði Arnar og bætti við að gott starf væri unnið í tónlistarskólum á Íslandi.