Sport

Skipti tvisvar um lið á einum degi en endaði á sama stað

Ágúst Orri Arnarson skrifar
Mike Conley hefur verið á miklu flakki.
Mike Conley hefur verið á miklu flakki. Sam Hodde/Getty Images

Minnesota Timberwolves losuðu sig við reynslumikla leikstjórnandann Mike Conley sem samdi við tvö lið á einum degi en endaði síðan aftur í Minnesota.

Conley hefur verið hjá Timberwolves síðan 2023 en félagið sendi hann til Chicago Bulls í skiptum fyrir Ayo Dosunmu á lokadegi félagaskiptagluggans.

Conley var síðan skipt síðar sama dag frá Chicago Bulls til Charlotte Hornets.

Hornets ákváðu hins vegar að liðið hefði ekki not fyrir Conley og hann var leystur frá störfum.

Skyndilega samningslaus Conley ákvað því að leita aftur til sinna fyrrum félaga í Timberwolves og gerði samning við félagið í dag.

Þessar snöggu vendingar gerðu honum kleift að komast framhjá „Zydrunas Ilgauskas reglunni.“

Samkvæmt þeirri reglu má leikmaður ekki endursemja við félagið sem losaði hann síðast, en þar sem Conley tók millilendingu í Charlotte gat hann samið aftur við Timberwolves.

Mest lesið


Fleiri fréttir

Sjá meira


×

Mest lesið