Diljá skoraði og Sæ­dís lagði upp

Íslendingaliðin Brann og Valeranga voru í efstu tveimur sætunum og byrja þetta tímabil vel. Brann er í efsta sætinu með 7 stig eftir sigur dagsins en Valeranga fylgir fast eftir með 6 stig.

Diljá Ýr skoraði annað mark leiksins á 25. mínútu í sigri Brann, eftir stoðsendingu frá fyrirliðanum Karoline Haugland. Þetta var hennar fyrsta mark á tímabilinu en Diljá hafði lagt upp eitt mark áður.

Sædís Rún lagði upp opnunarmarkið á 12. mínútu í sigri Valeranga. Þetta var fyrsta stoðsending tímabilsins hjá vinstri bakverðinum.

Arna Eiríksdóttir kom inn af varamannabekk Valeranga á 79. mínútu leiksins. Miðvörðurinn hefur verið að stíga upp úr meiðslum nýlega og spilað nokkrar mínútur í síðustu leikjum.

Norska deildin er nú komin í páskafrí og hefst aftur þann 24. apríl. Þær þrjár ofan nefndu eru í íslenska landsliðshópnum sem kemur saman eftir páska og mætir Úkraínu og Englandi þann 14. og 18. apríl næstkomandi.Diljá skoraði og Sædís lagði upp