„Við náðum að sýna þúsund manns hvernig við raun­veru­lega erum“

„Þetta var geðveikur leikur og ég trúi því ekki að við höfum unnið með átta mörkum,“ sagði Hafdís að leik loknum á meðan hún áritaði myndir fyrir stuðningsmenn.

Hafdís var bersýnilega ánægð með frammistöðu leikmanna en sjálf átti hún stórleik og var með 46% vörslu í dag.

„Mér fannst við sýna í dag að svona spilum við.  Ég er ánægð að við náðum að sýna allavega alveg þúsund manns hvernig við raunverulega erum og ég er ógeðslega þakklát fyrir þetta. Stelpurnar voru sturlaðar.“

Hvernig var að spila fyrir framan fulla höll í dag?

„Þetta var geðveikt, ég vil alltaf hafa fulla höll. Þetta gaf mér alveg auka fimm prósent ég verð bara að játa það.“