Mamma fór inn á völlinn og sparkaði í þrettán ára strák

Myndband náðist af því þegar ólætin höfðu brotist út og þar má sjá að móðirin, Renee Lambert, fór inn á völlinn og sparkaði í einn af strákunum sem sonur hennar var að spila á móti.

Lögregla var kölluð á staðinn og á myndbandi má einnig sjá þegar Lambert var handtekin. Hún hefur verið ákærð fyrir barnaníð án alvarlegra líkamsmeiðinga og fyrir að veita mótspyrnu við handtöku, samkvæmt skýrslu lögreglunnar í Fort Myers þar sem leikurinn fór fram.

Heyra má á upptöku lögreglu Lambert fullyrða að hún hafi ekkert gert af sér. Öllu heldur hafi það verið hún sem hafi verið slegin með hjálmi. Engin gögn renna hins vegar stoðum undir þá fullyrðingu.

„Svo þú ert brjálaður út í þá fyrir að veita mér högg?“ spurði Lambert lögregluna æst.

„Ég er reiður út í fullorðna manneskju fyrir að ráðast á barn,“ svaraði lögreglumaðurinn.

Lambert hélt áfram og sagði lögreglumanninum að handtaka „númer níu“ en aftur benti lögreglumaðurinn á að þar væri um barn að ræða en að hún væri fullorðin.

Lambert var sleppt úr haldi á sunnudagsmorgun en áætlað er að mál hennar verði tekið fyrir 1. júní.