Sjáðu allt það besta sem Guardiola hefur gert í enska boltanum

Guardiola lætur af störfum eftir áratug sem knattspyrnustjóri Manchester City og með tuttugu stóra titla að baki. Hann hyggst nú taka sér hvíld frá þjálfun en verðum áfram í hlutastarfi sem sendifulltrúi City.

Spánverjinn er ekki bara einn besti þjálfari sem hefur staðið á hliðarlínunni í enska boltanum heldur einnig einn skrautlegasti karakter sem deildin hefur séð.

Hann er frægur fyrir að eiga oft hrókasamtöl við leikmenn á hliðarlínunni, hvort sem það eru hans eigin leikmenn eða stundum úr liði andstæðinganna.

Fagur fótbolti hefur hins vegar alltaf verið hans helsta einkennismerki og City liðið undir hans stjórn hefur skorað mörg af glæsilegustu mörkum síðasta áratugarins.

Hér fyrir neðan má sjá þrjú skemmtileg myndbönd sem enska úrvalsdeildin tók saman úr stjóratíð Guardiola.