Collin Pryor í Álfta­nes

Collin er íslenskur ríkisborgari sem þekkir íslenskan körfubolta vel enda leikið hér á landi síðan 2014.

Pyor kemur til liðsins frá Selfossi sem var í næstefstu deild í vetur en hann hefur leikið í efstu deild áður og er með töluverða reynslu þar, til að mynda með ÍR. 

Með Selfyssingum í vetur var Collin með 15,8 stig, 9,9 fráköst og 4 stoðsendingar að meðaltali í leik.

„Það eru frábær tíðindi fyrir klúbbinn að fá leikmann eins og Collin til okkar. Collin kemur með mikil gæði og dýrmæta reynslu sem mun nýtast liðinu vel,“ segir Huginn Freyr Þorsteinsson, formaður körfuknattleiksdeildar Álftaness, í tilkynningunni.