Amorim kynntur til leiks hjá AC Milan

AC Milan tilkynnti komu Amorim á miðlum félagsins síðdegis en hann tekur við starfinu af Massimiliano Allegri, sem var rekinn eftir að hafa mistekist að stýra liðinu inn í Meistaradeildina.

Amorim skrifaði undir þriggja ára samning á San Siro og í tilkynningu AC Milan er hann sagður akkúrat það sem félagið leitaði að.

„Við höfum fylgst með Ruben í mörg ár. Ferill hans hjá Sporting hefur verið einstakur og passar fullkomlega við þann leikstíl sem við leitum að. Hann er einn fróðasti og nýstárlegasti þjálfari nýju kynslóðarinnar í Evrópu: Ungur, metnaðarfullur, með skýra sjálfsmynd og vel skilgreinda taktíska nálgun.

Ruben trúir á sóknarþenkjandi fótbolta með miklum krafti. Hugmyndafræði hans smellpassar við framtíðarsýn okkar og leiðtogahæfileikar hans, ásamt getu hans til að þróa leikmenn, hafa heillað okkur mjög. Við höfum trú á honum og erum himinlifandi að bjóða hann velkominn í félagið,“ sagði Gerry Cardinale, einn af eigendum AC Milan.