ÍR stöðvaði Gróttu og Kári kom Fylki í annað sæti

Kári Sigfússon tryggði Fylki sigurinn í Grindavík í dag með marki tíu mínútum fyrir leikslok.

Kári skoraði einnig og lagði upp tvö mörk í 4-2 sigrinum gegn Gróttu, í framlengdum leik í 8-liða úrslitum Mjólkurbikarsins um helgina, en hann kom inn á sem varamaður eftir klukkutíma leik í dag.

Eftir sigurinn er Fylkir með 18 stig, stigi á eftir Þrótti og tveimur á undan Aftureldingu sem á leik til góða á toppliðin tvö. Grindavík er hins vegar með sjö stig í 10. sæti og gæti misst Ægi upp fyrir sig í dag.

ÍR-ingar komu sér úr fallsæti og eru með tíu stig, eftir 2-1 sigur sinn gegn Gróttu sem hafði unnið þrjá deildarleiki í röð en tapaði svo í bikarnum um helgina sem fyrr segir.

Víðir Freyr Ívarsson kom ÍR yfir á 54. mínútu en Einar Tómas Sveinbjarnarson jafnaði fyrir Gróttu á 68. mínútu.

Ívan Óli Santos reyndist svo hetja ÍR er hann skoraði sigurmarkið á 86. mínútu. Tapið þýðir að Grótta er nú í 7. sæti með 12 stig en leik til góða á næstu lið sem eru HK og Leiknir, sem bæði hafa 15 stig.